मुल्हेर येथे रथयात्रा उत्सव उत्साहात साजरा करण्यात आला..

मुल्हेर येथे रथयात्रा उत्सव उत्साहात साजरा करण्यात आला..

तालुका प्रतिनिधी.राहुल सूर्यवंशी 7507727263

मुल्हेर ता. सटाणा (बागलाण) येथे आज मोठ्या उत्साहात व भक्तीमय वातावरणात रथयात्रा उत्सव साजरा करण्यात आला. सकाळी मंगल ध्वज फडकवून व गजराच्या घोषात रथयात्रेला प्रारंभ झाला. पारंपरिक वेशभूषा परिधान केलेले ग्रामस्थ, तरुण मंडळी, महिलावर्ग आणि बालकांचा उत्सवात सहभाग लक्षणीय होता.

या रथयात्रेत सुंदररित्या सजविलेला रथ आकर्षणाचा केंद्रबिंदू ठरला. फुलांनी व झेंड्यांनी सजविलेल्या या रथावर भगवानांचा मूर्तीचा गजर, कीर्तन आणि टाळ-मृदंगाच्या निनादात गावभर फेरफटका झाला. श्रद्धाळू भक्तांनी दर्शन घेत उत्सवाचा आनंद लुटला.

ग्रामस्थ व मित्र मंडळ यांच्या संयोजनातून हा कार्यक्रम यशस्वीपणे पार पडला. सर्व मंडळ सदस्यांनी एकत्रित येऊन रथ सजावट, आयोजन व भक्तनिवास व्यवस्थापनाची जबाबदारी सांभाळली. संपूर्ण वातावरण ‘जय जय राम कृष्ण हरी’ या घोषणांनी दुमदुमून गेले होते.

कार्यक्रमाच्या शेवटी महाप्रसादाचे वितरण करण्यात आले. ग्रामस्थांच्या सहकार्याने आणि उत्साही सहभागाने मुल्हेर गावात भक्ती, सौहार्द आणि ऐक्याचे सुंदर दर्शन या रथयात्रेत घडले..,. धन्यवाद….