तालुका प्रतिनिधी : उमेश कोटकर
- ठीकठिकाणी नाकाबंदी
दिनांक ३१ डिसेंबर २०२४ रोजी वर्ष समाप्ती व नववर्षाचे स्वागत मोठ्या प्रमाणात साजरा करण्यात येणार असल्याने सदर उत्सव साजरा करण्याकरिता अतिउत्साही तरुण मंडळी मद्य प्राशन करून दुचाकी/चारचाकी वाहने भरधाव वेगाने, बेदरकरपणे चालवीतात. तसेच रोडने रॅश (Rash) ड्रायविंग, स्टंटबाजी सारखे कृत्य करतात. त्यामुळे मोठ्या प्रमाणात गंभीर अपघात घडून जीवितहानी होत असते. त्यांचा अशा प्रकारच्या कृत्यावर आळा घालण्याचे दृष्टीने दिनांक २९ डिसेंबर २०२४ रोजी पासून ते दिनांक ३१ डिसेंबर २०२४ पर्यंत संपूर्ण चंद्रपूर जिल्यामध्ये ठीक ठिकाणी नाकेबंदी लावण्यात येणार आहे.
सर्व नागरिकांना सूचित करण्यात येते कि, कोणीही मध्य प्राशन करून वाहन चालवीणार नाही. जर मद्य प्राशन करून वाहन चालवीतांना आढळून आल्यास त्यांच्यावर दंडात्मक कार्यवाही करण्यात येईल यांची सर्वांनी नोंद घ्यावी. जिल्यातील वाढते अपघात कमी करण्याकरिता वाहतूक नियंत्रण शाखा चंद्रपूर व जिल्ह्यातील सर्व पोलीस स्टेशन अंतर्गत मद्य प्राशन करून वाहन चालवीणाऱ्या वाहन चालकांवर मोठ्या प्रमाणात ड्रिंक अँड ड्राईव्ह, स्ट्रिपल सीट, रॅश ड्रायविंग, स्टंटबाजी करून वाहन चालवीणाऱ्या वाहन चालकविरुद्ध विशेष मोहीम घेऊन कडक दंडात्मक कारवाई करण्यात येणार आहे.
तरी नववर्षाचे स्वागत करतांना वाहतुकीच्या नियमांचे काटेकोरपणे पालन करावे व अपघात होणार नाही याची सर्व नागरिकांनी दक्षता घ्यावी. याबाबत चंद्रपूर जिल्हा पोलीस अधीक्षक श्री मुम्मका सुदर्शन यांनी जिल्हा पोलीस विभागातर्फे आव्हाहन केले आहे.
