अनुसूचित जमाती कल्याण समितीच्या अध्यक्षपदी आ. दौलत दरोडा यांची फेरनिवड…
मुंबई : प्रफुल्ल शेवाळे
पंधरावी विधानसभा गठीत होऊन जवळपास चार महिने उलटल्यानंतर राज्य विधिमंडळाच्या विविध समित्या बुधवारी उशिरा जाहीर करण्यात आल्या. महायुती सरकारमधील तिन्ही पक्षांना प्रत्येकी सात समित्यांचे अध्यक्षपद मिळाले.
शहापूर तालुका विधानसभेचे विद्यमान आमदार दौलत दरोडा यांची महाराष्ट्र राज्य अनुसूचित कल्याण समितीच्या अध्यक्ष पदी फेर नियुक्ती करण्यात आली आहे.
शहापूर चे आमदार दौलत दरोडा हे पाचव्यांदा विधानसभेवर निवडून गेले आहेत.
आमदार दौलत दरोडा यांनी आपल्या निवडी बद्दल राज्याचे उपमुख्यमंत्री मा.ना. अजितदादांचे मनःपूर्वक आभार मानले आहेत.
राष्ट्रवादी काँग्रेस पक्षाने आमदार दरोडा यांचा योग्य सन्मान केला आहे.- भरत गोंधळे ( राष्ट्रवादी काँग्रेस पार्टी – ठाणे जिल्हा ग्रामीण )
ठाणे जिल्ह्यात राष्ट्रवादी काँग्रेस दौलत दरोडा हे एकमेव आमदार आहेत. गेल्या पाच वर्षात हजारो कार्यकर्ते आमदार दरोडा यांनी तयार केले आहेत आणि संपूर्ण शहापूर तालुक्यात राष्ट्रवादी काँग्रेस पार्टी चे मजबूत संघटन त्यांनी तयार केले आहे. याच अनुषंगाने आ.दरोडा यांना यावेळी सुद्धा आमदारकी कायम राखता आली आहे. आ. दरोडा यांच्या पक्ष संघटन आणि विविध विकास कामा च्या जोरावर राष्ट्रवादी काँग्रेस पार्टी ने त्यांना अनुसूचित जमाती कल्याण समिती च्या अध्यक्ष पदी निवड करून त्यांना योग्य तो सन्मान दिला असल्याची प्रतिक्रिया राष्ट्रवादी काँग्रेस ठाणे जिल्हा ग्रामीण चे अध्यक्ष भरत (भाऊ) गोंधळे यांनी दिली आहे.
Discussion about this post