जयभीम नगर गुंज येथे भारतीय घटनेचे शिल्पकार भारतरत्न डॉक्टर बाबासाहेब आंबेडकर यांची जयंती उत्साहात साजरी

सारथी महाराष्ट्राचा ;

महागाव तालुका प्रतिनिधी : सुखदेव कोल्हे,

महागाव तालुक्यातील जय भीम नगर गुंज येथे डॉक्टर बाबासाहेब आंबेडकर जयंतीनिमित्त गुंज गावच्या सरपंच आयुष्य मती पुष्पाताई पंडित कांबळे यांच्या हस्ते पंचशील ध्वजाचे ध्वजारोहण केले. तथागत भगवान बुद्ध ,प्रियदर्शी सम्राट अशोक ,छत्रपती शिवाजी महाराज ,संत सेवालाल महाराज ,क्रांतीसुर्य महात्मा ज्योतिराव फुले, राजर्षी छत्रपती शाहू महाराज ,लोकशाहीर आण्णाभाऊ साठे ,विश्वभूषण प्रज्ञासुर्य डॉक्टर बाबासाहेब आंबेडकर या महापुरुषाचे गुंज गावातील प्रमुख मान्यवरांच्या हस्ते पूजन करण्यात आले. सुखदेव कोल्हे निरंजन कांबळे राजेंद्र कांबळे यांनी त्रिशरण पंचशील बुद्ध वंदना घेऊन कार्यक्रमाची सुरुवात केली.

गुंज गावातीलविकासात्मक कामे करत असल्यामुळे सरपंच सौ. पुष्पाताई पंडित कांबळे यांच्या पतीसह सिद्धार्थ कांबळे व पौर्णिमा कांबळे यांनी शाल देऊन सत्कार केला व सचिव आरडी देशमुख साहेब यांचे प्रतिनिधी शेख एजाज भाई यांचा सुद्धा प्रकाश शंकर कांबळे यांनी शाल देऊन युवा परिवर्तन तरुण मंडळाच्या वतीने सत्कार केला.

नॅचरल शुगर अँड अलाईड चे इन्स्ट्रुमेंट इंजिनियर घुंगरवार साहेब व मेकॅनिकल इंजिनियर धोंगडे साहेब यांचा सुद्धा सत्कार करण्यात आला. बाल वक्ते प्रणव कांबळे ,आशिष पवार, अनुराग कांबळे ,संग्राम पवार सम्यक कांबळे, स्वराज कांबळे, पूनम पवार , राजश्री कोल्हे ,आर्यन कांबळे, समीक्षा वाघमारे ,या बालवक्त्यांनी भीम अनुयायाची मने जिंकली भारतीय किसान मोर्चाचे तालुका अध्यक्ष प्रमोद भाऊ जाधव यांनी प्रबोधनात्मक आपल्या भाषणातून विचार व्यक्त केले.

गुंज गावातील ,कारखाना परिसरातील ,व जय भीम नगर परिसरातील शिवाजीनगर परिसरातील असंख्य भीम अनुयायी बौद्ध उपासक उपासिका यांनी कार्यक्रमाला हजेरी लावली. कार्यक्रमाच्या यशस्वी साठी युवा परिवर्तन मंडळाचे अध्यक्ष राजू कांबळे,बाळकृष्ण कांबळे धम्मा कांबळे मुकिंदा कांबळे, कुणाल कांबळे, उज्वल दीप कांबळे, समाधान कांबळे,चंद्रशेखर कांबळे ,राहुल कांबळे ,चरण गोले विक्रांत कोल्हे विशाल वाघमारे बोधिसत्व कोल्हे हर्षदीप कांबळे,सिद्धार्थ मधुकर कांबळे अभिजीत वाघमारे अजित पवार यांनी परिश्रम घेतले.