आमदार जयंत आसगावकर यांच्या हस्ते सेवानिवृत्त सभासद, गुणवंत पाल्यांचा सत्कार

आमदार जयंत आसगावकर यांच्या हस्ते सेवानिवृत्त सभासद, गुणवंत पाल्यांचा सत्कार
कोल्हापूर जिल्हा माध्य. शिक्षक व कर्मचारी सहकारी पतपेढीच्या वतीने आयोजन
कोल्हापूर जिल्हा माध्यमिक शिक्षक व कर्मचारी सहकारी पतपेढीच्या वर्धापन दिनानिमित्त सेवानिवृत्त सभासद व गुणवंत पाल्यांचा सत्कार करण्यात आला. आमदार जयंत आसगावकर यांच्या हस्ते व इतर मान्यवरांच्या उपस्थितीत हा सत्कार सोहळा पार पडला. कोल्हापूर जिल्हा मुख्याध्यापक संघात आज, मंगळवारी हा कार्यक्रम पार पडला.
सभासदांना सेवानिवृत्तीच्या शुभेच्छा व गुणवंत पाल्याचे अभिनंदन करून आमदार जयंत आसगावकर म्हणाले, पतपेढीच्या आजी-माजी संचालकांनी पारदर्शक कारभार करून वेगळेपण जपले आहे. सभासदांना सन्मानाची वागणूक देणे, पडत्या काळात त्यांना मदत करणे हीच या पतपेढीची ओळख आहे. संचालकांनी आता कर्जाचा व्याजदर एक अंकी करण्यासाठी प्रयत्न करावे, अशी अपेक्षा आमदार जयंत आसगावकर यांनी व्यक्त केली. सेवानिवृत्तीनंतर सभासदांनी आपल्या घरच्यांना व समाजाला वेळ द्यावा. रोजचा दिवस आनंदाने जगावा. सध्याचे युग स्पर्धेत असून विद्यार्थ्यांनी कष्ट, जिद्द व सातत्य ठेवून यशाला गवसणी घालावी. वेळेचा सदुपयोग करा, मोबाईल व व्यसनापासून दूर राहा, असा कानमंत्र आमदार जयंत आसगावकर यांनी विद्यार्थ्यांना दिला. शिक्षण क्षेत्रात बरेच प्रश्न प्रलंबित असून ते सोडवण्यासाठी मी कटिबद्ध आहे. यावेळी इतर मान्यवरांनी मनोगत व्यक्त केली.
यावेळी विक्रम एज्युकेशन सोसायटीचे जनरल सेक्रेटरी बापूसाहेब शिंदे, मुख्याध्यापक महामंडळाचे मा. उपाध्यक्ष व्ही. जी. पोवार, बांधकाम व वित्त विभाग सिंधुदुर्गचे सभापती जयेंद्र रावराणे, शिक्षक नेते शरद नारकर, मा. मुख्याध्यापक के. के. पाटील, मा. उपमुख्याध्यापक उदय पाटील, कोल्हापूर मुख्याध्यापक संघाचे सचिव आर. वाय. पाटील, पतपेढीचे मा. चेअरमन किरण पास्ते, कृती समितीचे कार्याध्यक्ष बाबासाहेब पाटील, रंगराव मर्दाने, सर्जेराव जरग, एस. के. पाटील, पतपेढीचे चेअरमन जयसिंग पोवार, हिंदुराव डोंब, व्यवस्थापक अभय व्हनमाडे, एल. डी. पाटील, सदा चौगुले, आजी, माजी संचालक मंडळ, सेवानिवृत्त सभासद व त्यांचे कुटुंबीय, विद्यार्थी व पालक मोठ्या संख्येने उपस्थित होते.