खरीप हंगाम 2025-26 नियोजन बैठक शिरूरमध्ये पार पडली… शेतकऱ्यांसाठी ५०० कोटींच्या फळबाग योजनांचा ऐतिहासिक लाभ – आमदार माऊली कटके यांचे मार्गदर्शन..!

शिरूर तालुका प्रतिनिधी:- अविनाश घोगरे

शिरूर, तहसील कार्यालयात खरीप हंगाम 2025-26 च्या नियोजनासाठी पार पडलेल्या तालुकास्तरीय बैठकीत शेतकऱ्यांच्या अडचणी, योजनांची अंमलबजावणी आणि आगामी हंगामासाठी व्यापक आराखड्यावर सखोल चर्चा झाली. या बैठकीत ५०० कोटींच्या फळबाग योजनेचा पथदर्शी प्रकल्प* जाहीर करत आमदार माऊली कटके यांनी कृषी प्रशासनाला योजनांची प्रभावी अंमलबजावणी करण्याचे आदेश दिले.
राजकीय व शासकीय प्रतिनिधींची संयुक्त उपस्थिती
या बैठकीच्या अध्यक्षस्थानी आमदार ज्ञानेश्वर उर्फ माऊली कटके होते. कृषी, पंचायत राज आणि महसूल प्रशासनातील अधिकारी यांच्यासोबत शिवसेना (उद्धव बाळासाहेब ठाकरे), राष्ट्रवादी काँग्रेस व इतर पक्षांचे पदाधिकारी देखील उपस्थित होते.
शासकीय अधिकारी उपस्थित: सुवर्णा आदक (कटके) – शिरूर तालुका कृषी अधिकारी एम. डी. साळी – हवेली तालुका कृषी अधिकारी
महेश डोके – गटविकास अधिकारी, शिरूर
शिवाजी नागवे – गटविकास अधिकारी, हवेली
सुजाता खरमाटे – नायब तहसीलदार
डॉ. गजानन नारकर, दिनेश अडसूळ – कृषी अधिकारी महावितरण अधिकारी, PDCC बँक अधिकारी, ग्रामविकास व कृषी विभागातील अधिकारी
राजकीय व सामाजिक पदाधिकारी उपस्थित: *अनिल पवार, रामभाऊ कदम – शिवसेना शरद कालेवार, एजाज बागवान – राष्ट्रवादी काँग्रेस आबासाहेब सरोदे, राजेंद्र जगदाळे, शामराव पवार, संतोष लंघे, रंजन झांबरे, हर्षद ओस्तावाल, दिनेश पडवळ आदींचा समावेश
शेतकऱ्यांसाठी योजनांचा पाऊस
आमदार कटके यांनी फळबाग योजना, निर्यातक्षम फळांचे उत्पादन, कांदा चाळीचे वाढवलेले अनुदान (प्रती टन ३५०० वरून ५००० रुपये), हमीभाव, व अनुदान योजनांची माहिती देत कृषी विभागाला “शेतकऱ्यांच्या दारापर्यंत योजना पोहचवा” असा स्पष्ट संदेश दिला.
तसेच त्यांनी शेतकऱ्यांमध्ये आणि प्रशासनात निर्माण झालेला दुरावा दूर करण्यासाठी अधिकाऱ्यांनी शेतकऱ्यांच्या समस्या समजून घेऊन काम करावे, असेही आवर्जून सांगितले.
तांत्रिक मार्गदर्शन व प्रोत्साहन
कृषी अधिकारी सुवर्णा आदक यांनी बाजरी, कडधान्य, पीक उगवण क्षमता चाचणी, सेंद्रिय शेती व आधुनिक तंत्रज्ञानावरील मार्गदर्शन केले.
महात्मा गांधी रोजगार योजनेअंतर्गत आंबा व केळीची लागवड शेतकऱ्यांना निर्यातीतून मोठा फायदा करून देईल, असेही त्यांनी सांगितले.
सन्मान आणि शेतकऱ्यांचे प्रश्न
या कार्यक्रमात प्रधानमंत्री सुक्ष्म अन्न प्रक्रिया उद्योग योजना अंतर्गत लाभार्थी सीमा बेंद्रे (आंबळे) व नंदाताई भुजबळ (शिक्रापूर) यांना आमदार कटके यांच्या हस्ते सन्मानित करण्यात आले.
शेतकरी संघटनेचे नेते बाळासाहेब घाडगे यांनी हमीभावाची मागणी केली. तर गणेगावचे सरपंच तुकाराम निंबाळकर यांनी कांदाचाळीच्या अनुदान व लाभाबाबत सूचना मांडल्या. अनेक शेतकऱ्यांनीही आपापल्या अडचणी उपस्थित अधिकाऱ्यांपुढे मांडल्या.
उत्कृष्ट समन्वय व सशक्त आयोजन
बैठकीचे सूत्रसंचालन कृषी सहायक जयवंत भगत यांनी केले तर आभार डॉ. गजानन नारकर यांनी मानले.
या बैठकीतून खरीप हंगामासाठी राजकीय इच्छाशक्ती आणि प्रशासनिक यंत्रणेचे सशक्त संलग्न दर्शन घडले. येत्या काळात या योजनांची अंमलबजावणी शेतकऱ्यांच्या आयुष्याला दिशा देणारी ठरेल, असा विश्वास उपस्थितांमध्ये व्यक्त झाला.