व्यंकटरावमध्ये एकादशीनिमित्त वारकरी दिंडीचा भक्तिमय उत्सव संपन्न
आजरा …येथील व्यंकटराव शैक्षणिक संकुल आजरा अंतर्गत व्यंकटराव प्राथमिक विद्यामंदिर आजरा मधील इयत्ता पहिली ते चौथी या वर्गातील सर्व विद्यार्थी विद्यार्थिनींनी आज आषाढी एकादशी निमित्त साक्षात विठ्ठल- रखुमाई, आणि वारकरींची वेशभूषा केली होती. साक्षात पांडुरंगाच्या नामाचा गजर.. टाळ मृदुंगाच्या नादात साक्षात या बालचमु वारकऱ्यांची दिंडी प्रशालेच्या प्रांगणात व विठ्ठल रुक्माई मंदिर,आजरा शहरात काढण्यात आली. या दिंडीत वेशभूषेतील विद्यार्थी त्यांचे पालक आणि सर्व शिक्षक शिक्षकेतर कर्मचारी यांनी सहभाग घेतला टाळ मृदंग आणि नाम घोषाने शाळेचा परिसर भक्ती सागरात डुंबून गेल्याचे दिसत होते… मैदानावर रिंगणही केले होते व व्यासपीठावर माऊली- माऊली या गीतावर विद्यार्थी विद्यार्थिनी नृत्य सादर केले.
या बाल वारकरी विद्यार्थी मंडळींना प्रोत्साहन देण्यासाठी संस्थेचे अध्यक्ष श्री जयवंतराव शिंपी, सचिव श्री अभिषेक शिंपी, खजिनदार श्री सुनील पाटील, संचालक श्री सचिन शिंपी, श्री विलास पाटील, प्राचार्य श्री एम एम नागुर्डेकर, पर्यवेक्षिका सौ व्ही.जे शेलार,.श्री.आर. व्ही. देसाई – (मुख्याध्यापक ),
श्री.डी.बी.डेळेकर सौ.एल.पी.कुंभार
सौ.एन. एन.पाष्टे सौ.एन.सि. हरेरसौ.आर एच गजरकर
सौ.एम. व्ही.सावंत उपस्थित होते.
