🔴 इयत्ता १२ वी बोर्ड परीक्षा : आजरा केंद्राची तयारी पूर्ण 🔴

आजरा : प्रतिनिधी,
इयत्ता बारावीची बोर्ड लेखी परीक्षा दि. १० फेब्रुवारी २०२६ पासून सुरू होत असून, आजरा तालुक्यातील एकमेव परीक्षा केंद्र – आजरा महाविद्यालय, आजरा (0531) येथे परीक्षेची सर्व तयारी पूर्ण करण्यात आली आहे.
या परीक्षा केंद्राअंतर्गत आजरा ज्युनिअर कॉलेज, व्यंकटराव जुनिअर कॉलेज, पंडित दीनदयाळ जुनिअर कॉलेज, ओम पॅरामेडिकल कॉलेज व डॉ. झाकीर हुसेन उर्दू कॉलेज येथील एकूण ७४७ विद्यार्थी परीक्षेस प्रविष्ट होणार आहेत.
विद्यार्थ्यांची संख्या मोठी असल्याने आजरा महाविद्यालय व आजरा हायस्कूल येथे बैठक व्यवस्था करण्यात आली आहे. एच.एस.सी. बोर्डाच्या भुईमुक्त व कॉपीमुक्त अभियानाअंतर्गत कोणताही गैरप्रकार होणार नाही तसेच विद्यार्थ्यांना कोणतीही गैरसोय होणार नाही, याची दक्षता केंद्र संचालक, अधीक्षक, उपप्राचार्य व प्राचार्य यांनी घेतली आहे.
बोर्डाकडून वेळोवेळी देण्यात येणाऱ्या सर्व सूचनांचे काटेकोर पालन करण्यात आले असून, संपूर्ण परीक्षा सीसीटीव्हीच्या निगराणीखाली पार पडणार आहे.
🔹 दररोजची बैठक व्यवस्था बदलती असणार असून, ती आदल्या दिवशी नोटीस बोर्डवर प्रसिद्ध केली जाणार आहे.
🔹 परीक्षेसाठी सुपरवायझर, कर्मचारी व वर्गांची योग्य व्यवस्था करून सर्वांना आवश्यक सूचना देण्यात आल्या आहेत.
🟢 परीक्षार्थींनी आपापल्या विषयाच्या वेळापत्रकानुसार वेळेत उपस्थित राहून परीक्षा सुरळीत पार पाडावी, असे आवाहन केंद्रप्रमुख श्री. मनोजकुमार पाटील सर यांनी केले आहे.
✨📚 सर्व विद्यार्थ्यांना बोर्ड परीक्षेसाठी मनःपूर्वक शुभेच्छा! 📚✨