भोकरदन (प्रतिनिधी) : तालुक्यातील सुरंगली येथे Dr. B. R. Ambedkar यांची १३५ वी जयंती मोठ्या उत्साहात साजरी करण्यात आली. गावात दिवसभर विविध कार्यक्रमांचे आयोजन करण्यात आले होते.
कार्यक्रमाच्या सुरुवातीला मान्यवरांच्या हस्ते डॉ. आंबेडकर यांच्या पुतळ्याला पुष्पहार अर्पण करून पूजन करण्यात आले. यावेळी Jyotirao Phule यांच्या जयंतीचे औचित्य साधत संयुक्त जयंती साजरी करण्यात आली. तसेच छत्रपती शिवाजी महाराजांच्या पुतळ्याचेही पूजन करण्यात आले.
या प्रसंगी अॅड. एफ. एच. सिरसाठ, शेख एजाज आणि माजी सरपंच तथा पत्रकार संजीव पाटील यांनी डॉ. आंबेडकर यांच्या जीवनचरित्रावर मार्गदर्शन करत उपस्थितांशी संवाद साधला. कार्यक्रमास माजी उपसरपंच विनोद सेठ जाधव, संतोष काळे, एकनाथ भराड, भाऊसाहेब काळे, राहुल जाधव, पोलिस उपनिरीक्षक गणेश काळे यांच्यासह अनेक मान्यवर उपस्थित होते.
यावेळी निळ्या ध्वजाचे ध्वजारोहण माजी सरपंच संजीव पाटील यांच्या हस्ते करण्यात आले, तर पंचशील ध्वजाचेही ध्वजारोहण करण्यात आले. तसेच बुद्ध वंदना घेऊन उपस्थितांनी बाबासाहेबांना अभिवादन केले.
कार्यक्रमाला गावातील अनेक महिला-पुरुष मोठ्या संख्येने उपस्थित होते. सायंकाळी डॉ. आंबेडकर यांच्या प्रतिमेची भव्य मिरवणूक काढण्यात आली. हा संपूर्ण कार्यक्रम शांततेत आणि उत्साहपूर्ण वातावरणात पार पडला.
