कै.जितेंद्र कोळी( महादेवपुरा दोंडाईचा )यांच्या घरच्यांना आर्थिक मदतीचा हात
दोंडाईचा : दोंडाईचा येथील महादेवपुरा परिसरातील कै.जितेंद्र लालचंद कोळी यांचे आकस्मात निधन झाले. घराची हलाकीची परिस्थिती पाहून परिसरातील युवकांनी व श्री.मनोज निकम( मास्तर )यांच्या पुढाकाराने संपूर्ण दहा दिवस किराणा व दशविधी व उत्तरकार्याच्या संपूर्ण खर्च करून उर्वरित रक्कम मयत जितेंद्र कोळी यांच्या पत्नीस रोख स्वरूपात सुपूर्द करून सामाजिक बांधिलकीचा आदर्श समाजासमोर ठेवला आहे श्री. मनोज निकम यांच्या सोबत भगवा चौक,महादेवपुरा येथील विशाल मगरे,हर्षल चौधरी,गौरव सोनार,कमलेश ठाकूर,शिवाजी ठाकूर,निखिल निकम यांचेही योगदान मोलाचे होते.
कोणत्याही कुटुंबातील पुरुषाचे जेव्हा अकस्मात निधन होते तेव्हा त्या परिवारावर दुःखाचा डोंगरच कोसळतो यावेळी प्रत्येकाचे नातेवाईक संबंधित लोक आणि समाजबांधव सर्व चार दिवस मोठे दुःख हळहळ व्यक्त करतात मात्र परिवाराला अशा परिस्थितीत ज्या बाबींची नितांत गरज असते ती आर्थिक मदत कोणीच करताना दिसत नाही परंतु याला अपवाद ठरले आहेत ते म्हणजे सामाजिक कार्यकर्ता तथा आदर्श शिक्षक श्री.मनोज निकम सर महादेवपुरा परिसरातील भिका निंबा कोळी यांच्या घराला आग लागून सर्व घरासह संसारोपयोगी साहित्य जळून खाक झाले होते. या कुटुंबाला सामाजिक जाणिवेतून श्री. मनोज निकम यांनी 11 हजार रूपये रोख व महिन्याभराच्या किराणा देवून मदतीचा हात दिला होता तसेच आजारी मुळे आर्थिक परिस्थिती बेताची होऊन मृत झालेल्या प्राथमिक शिक्षकाच्या परिवाराला सामाजिक जाणिवेतून 51 हजाराचा धनादेश देत आर्थिक मदत केली होती. मागासलेला समाज म्हणून ज्या समाजाकडे सर्व पाहतात त्याच समाजातील सामाजिक कार्यकर्ता श्री.मनोज निकम म्हणजे आशेचा किरण होय त्यांच्या या कार्याचे कौतुक करावं तेवढं कमी आहे ✍️✍️श्री पांडुरंग शिंपी प्रतिनिधी दोंडाईचा.
