पिंपरी-चिंचवड शहरातील वारकरी संप्रदायाच्या आध्यात्मिक, सामाजिक व सांस्कृतिक कार्याला अधिक बळ मिळावे या उद्देशाने अखिल वारकरी सेवा संघ पिंपरी-चिंचवड शहर यांच्या नवनिर्वाचित पदाधिकाऱ्यांची निवड नुकतीच उत्साहपूर्ण वातावरणात करण्यात आली.
या निवडीमध्ये पुणे जिल्हा संघटक म्हणून ह.भ.प. श्री गजानन महाराज कराळे, अध्यक्ष म्हणून ह.भ.प. श्री मारुती महाराज शेजाळ, उपाध्यक्ष म्हणून ह.भ.प. श्री खंडू महाराज मोरे, सचिव म्हणून ह.भ.प. श्री हृषिकेश (आप्पा) महाराज ताम्हाणे, सहसचिव म्हणून ह.भ.प. श्री सचिन महाराज शिंदे, खजिनदार म्हणून ह.भ.प. श्री रामदास महाराज मोरे, सहखजिनदार म्हणून ह.भ.प. श्री नंदकुमार महाराज पानसरे यांची निवड करण्यात आली.
तसेच सदस्य म्हणून ह.भ.प. श्री महादेव महाराज शिंदे, ह.भ.प. श्री अशोक महाराज जाधव, ह.भ.प. श्री सुनील महाराज काळे, ह.भ.प. श्री प्रशांत महाराज ताम्हाणे आणि ह.भ.प. श्री गजेंद्र महाराज घोडके यांची निवड करण्यात आली आहे.
नवनिर्वाचित सर्व पदाधिकारी हे अनेक वर्षांपासून वारकरी संप्रदाय, हरिनाम सप्ताह, कीर्तन, प्रवचन, भजन, दिंडी सेवा तसेच समाजामध्ये आध्यात्मिक जागृती निर्माण करण्यासाठी सातत्याने कार्यरत आहेत. त्यांच्या या सेवाभावी कार्यामुळे समाजामध्ये संस्कार, भक्ती आणि एकात्मतेची भावना वृद्धिंगत होत आहे.
नवनिर्वाचित पदाधिकाऱ्यांवर सर्व स्तरातून अभिनंदनाचा वर्षाव होत असून त्यांच्या पुढील कार्यकाळात वारकरी संप्रदायाचे कार्य अधिक व्यापक व प्रभावीपणे वाढीस लागेल, असा विश्वास व्यक्त करण्यात येत आहे.
“ज्ञानदेवे रचिला पाया, तुका झालासे कळस” या संतवचनाप्रमाणे संत परंपरेचा वारसा जपत समाजामध्ये अध्यात्म, संस्कार आणि मानवतेचा संदेश पोहोचविण्याचे कार्य संघामार्फत अधिक जोमाने सुरू राहणार असल्याची भावना यावेळी व्यक्त करण्यात आली.
