नाशिक | प्रतिनिधी अमर पठारे
नाशिक जिल्ह्यातील त्र्यंबकेश्वर मंदिर येथे भाविकांसाठी 2500 रुपयांची VIP दर्शन सुविधा सुरू करण्याचा निर्णय मंदिर ट्रस्टने घेतला आहे. या सुविधेमुळे भाविकांना थेट गर्भगृहातून दर्शन घेण्याची संधी उपलब्ध होणार आहे.
मंदिर प्रशासनाच्या माहितीनुसार, VIP दर्शनातून मिळणारा निधी प्रसाद वितरण, अन्नदान व भाविकांसाठीच्या विविध सुविधा सुधारण्यासाठी वापरण्यात येणार आहे. तसेच प्रशासनाकडून शिफारस प्राप्त झालेल्या काही दर्शनार्थींना 200 रुपयांचे अनुदान देण्याची तरतूद करण्यात आली आहे.
मंदिर परिसरात दर्शनाच्या नावाखाली होणारी काळाबाजार रोखण्यासाठी तसेच दर्शन व्यवस्था अधिक पारदर्शक व शिस्तबद्ध करण्यासाठी हा निर्णय घेण्यात आल्याचे ट्रस्टने स्पष्ट केले आहे.
दरम्यान, या निर्णयामुळे भाविकांना सुलभ व जलद दर्शनाची सुविधा मिळणार असली तरी सर्वसामान्य भाविकांच्या दर्शन व्यवस्थेतही सुधारणा करण्याची मागणी काही भक्तांकडून करण्यात येत आहे. मंदिर ट्रस्टच्या या निर्णयाची जिल्हाभरात चर्चा सुरू असून भाविकांकडून संमिश्र प्रतिक्रिया व्यक्त केल्या जात आहेत.
