देवगाव रंगारीच्या शिरपेचात मानाचा तुरा! ग्रामीण भागातील ३ तरुणांची भारतीय सैन्य दल व महाराष्ट्र सुरक्षा दलात निवड
कन्नड तालुका प्रतिनिधी
ग्रामीण भागातील तरुणांमध्ये अफाट जिद्द आणि कष्ट करण्याची तयारी असते, याचाच प्रत्यय पुन्हा एकदा देवगाव रंगारी येथे आला आहे. येथील तीन गुणवंत तरुणांनी आपल्या कठोर परिश्रमाच्या जोरावर देशसेवा आणि राज्यसेवेच्या क्षेत्रात उत्तुंग भरारी घेतली आहे. गावातील ओम सोनवणे यांची भारतीय सैनिक दलात (Indian Army), तर शुभम सुरसे आणि शेखर दिवेकर या दोन तरुणांची महाराष्ट्र सुरक्षा दलात (MSF) निवड झाली आहे. त्यांच्या या यशामुळे संपूर्ण परिसरात अभिमानाचे वातावरण निर्माण झाले आहे.
देवगाव रंगारी व परिसरातील तरुणांचे सैन्य दलात भरती होण्याचे स्वप्न असते. हेच स्वप्न उराशी बाळगून या तिन्ही तरुणांनी पहाटे उठून मैदानी सराव आणि लेखी परीक्षेची खडतर तयारी केली होती. अखेर त्यांच्या या अखंड परिश्रमाला यश आले असून, त्यांची अधिकृत निवड झाली आहे. ओम सोनवणे आता भारतीय सीमेवर देशाचे रक्षण करणार आहेत, तर शुभम सुरसे आणि शेखर दिवेकर हे महाराष्ट्र सुरक्षा दलाच्या माध्यमातून राज्याची धुरा सांभाळणार
