घोटाणे येथे पुण्यश्लोक अहिल्यादेवी होळकर जयंती उत्साहात साजरी

नंदुरबार | प्रतिनिधी :

नंदुरबार तालुक्यातील घोटाणे येथे लोकमाता Ahilyabai Holkar यांच्या ३०१ व्या जयंतीनिमित्त अभिवादन कार्यक्रमाचे आयोजन करण्यात आले. यावेळी पुण्यश्लोक अहिल्यादेवी होळकर यांच्या अर्धाकृती पुतळ्याला पुष्पहार अर्पण करून त्यांना विनम्र अभिवादन करण्यात आले.

कार्यक्रमात माजी खासदार Heena Gavit यांच्या हस्ते पुतळ्यास पुष्पहार अर्पण करण्यात आला. उपस्थितांनी अहिल्यादेवी होळकर यांच्या समाजकल्याणकारी कार्याचा आणि लोकहितवादी प्रशासनाचा गौरव करत त्यांच्या कार्याला अभिवादन केले.

यावेळी घोटाणे गावचे सरपंच सचिन धनगर, तुकाराम धनगर, रंगराज धनगर, दादाभाई धनगर, प्रदीप पाटील, दीपक चौधरी तसेच सारथी महाराष्ट्राचाचे प्रतिनिधी विनोद पाटील यांच्यासह ग्रामस्थ मोठ्या संख्येने उपस्थित होते.

कार्यक्रमात अहिल्यादेवी होळकर यांच्या आदर्श कार्याचा वारसा पुढे नेण्याचा संकल्प व्यक्त करण्यात आला. त्यांच्या न्यायप्रिय, लोकाभिमुख आणि विकासाभिमुख कारभाराची आठवण करून उपस्थितांनी त्यांना कृतज्ञतापूर्वक अभिवादन केले. 💐🙏