बॅरिस्टर रामराव आदिक पब्लिक स्कूलमध्ये भारतरत्न, महामानव डॉ. बाबासाहेब आंबेडकर यांची १३५ वी जयंती मोठ्या उत्साहात साजरी करण्यात आली.
या प्रसंगी शाळेतील चिमुकल्या बालकलाकारांनी सादरीकरण करून महामानवांना अभिवादन केले. तसेच शिक्षक व शिक्षकेतर कर्मचारी यांनीही उपस्थित राहून डॉ. बाबासाहेब आंबेडकर यांना वंदन केले.
कार्यक्रमादरम्यान शाळा परिसरात “जय भीम” घोषणांनी उत्साहाचे वातावरण निर्माण झाले होते. विद्यार्थ्यांना बाबासाहेबांच्या विचारांची ओळख करून देत समता, शिक्षण आणि संविधान यांचे महत्त्व सांगण्यात आले.
जयंतीनिमित्त सर्वांनी उत्स्फूर्त सहभाग नोंदवून कार्यक्रम यशस्वीरीत्या पार पाडला.
