जय शिवराय 🧡 जय भीम 🩵
छत्रपती संभाजीनगर येथील महानगरपालिकेच्या प्राथमिक शाळेत भारतरत्न डॉ. बाबासाहेब आंबेडकर यांच्या जयंतीनिमित्त धर्मवीर छावा संघटनेच्या वतीने गरजू व होतकरू विद्यार्थ्यांना शालेय साहित्य वाटपाचा उपक्रम राबविण्यात आला.
“शिका, संघटित व्हा आणि संघर्ष करा” हा संदेश देणाऱ्या डॉ. बाबासाहेब आंबेडकर यांच्या विचारांवर चालत समाजातील प्रत्येक विद्यार्थ्याला शिक्षणाची संधी मिळावी, हा या उपक्रमामागील मुख्य उद्देश असल्याचे संघटनेचे संस्थापक अध्यक्ष गणेश उगले पाटील यांनी सांगितले.
धर्मवीर छावा संघटना सामाजिक बांधिलकी जपत अशा प्रकारचे शैक्षणिक व समाजोपयोगी उपक्रम सातत्याने राबवत राहणार असल्याची माहिती यावेळी देण्यात आली.
कार्यक्रम उत्साहात व शिस्तबद्ध वातावरणात संपन्न झाला. यावेळी संघटनेचे संस्थापक अध्यक्ष गणेश उगले पाटील, शाळेतील मुख्याध्यापक, शिक्षक तसेच मराठवाडा संपर्कप्रमुख अंकुश सकुंडे, जिल्हा संपर्कप्रमुख सतीश देवखळे, महानगरप्रमुख स्वप्निल बिडकर, धीरज मोरे, अविनाश शिंदे, ॲड. सचिन जाधव, राकेश कीर्तिकर इत्यादी पदाधिकारी उपस्थित होते.
#धर्मवीरछावासंघटना #महाराष्ट्र #शिक्षण #समाजकार्य
