शहाद्यात मोफत बाल हृदय तपासणी शिबिर संपन्न; २२ बालकांना जीवदान मिळणार.

शहादा,दि.१६ (प्रतिनिधी)
राष्ट्रीय बाल स्वास्थ्य कार्यक्रम (RBSK) अंतर्गत पियुज हृदय संजीवनी रिदम हॉस्पिटल शहादा येथे आज दि. १६ एप्रिल रोजी ० ते १८ वर्ष वयोगटातील बालकांसाठी मोफत टूडी इको (हृदय रोग) तपासणी शिबिराचे आयोजन करण्यात आले होते. सदर शिबिराचे उद्घाटन ग्रामीण रुग्णालय शहादा, वैद्यकीय अधीक्षक डॉ. मनिषा पाटील व डॉ. मंगेश बर्डे यांच्या हस्ते करण्यात आले.
बालकांमधील जन्मजात हृदयविकार दोषांचे लवकर निदान करून योग्य उपचार व शस्त्रक्रियेसाठी संदर्भ सेवा देणे हा या शिबिराचा मुख्य उद्देश आहे.या शिबिरात किम्स हॉस्पिटल ठाणे, (मुंबई) यांच्या माध्यमातून बाल हृदयरोगतज्ञ डॉ. श्रीनिवासन यांनी बालकांची तपासणी केली.शिबिरास जिल्ह्यातील विविध भागांतून एकूण ७४ बालकांनी हजेरी लावली. तपासणी दरम्यान आढळून आलेल्या एकूण २२ बालकांना पुढील हृदय शस्त्रक्रियेबाबत समुपदेशन करण्यात आले असून, त्यांना पुढील उच्चस्तरीय उपचारांसाठी किम्स हॉस्पिटल ठाणे येथे संदर्भित करण्यात येणार आहे.या उपक्रमासाठी जिल्हा शल्य चिकित्सक डॉ. विनय सोनवणे ,

निवासी वैद्यकीय अधिकारी डॉ. सुलोचना बागुल , डॉ. कैलाससिंग राजपूत, डॉ. नरेश पाडवी, वैद्यकीय अधीक्षक डॉ. मनिषा पाटील, डॉ. मंगेश बर्डे यांचे मार्गदर्शन लाभले. तसेच पियुज हृदय संजीवनी हॉस्पिटल शहादा चे संचालक डॉ. प्रदीप पटेल व निखिलकुमार पटेल यांचे विशेष सहकार्य लाभले.जिल्हा पर्यवेक्षक मनोहर ढिवरे, कार्यक्रम सहाय्यक करण वसावे, तालुका नोडल अधिकारी डॉ. जितेंद्र भंडारी, डॉ. चेतना पाटील, डॉ. राकेश पाटील, डॉ. उज्ज्वला भामरे, डॉ. विनोद बाविस्कर, डॉ. कल्पना भंडारी, डॉ. शशिकांत पाटील, डॉ. सुनंदा भारती, डॉ. भूषण पाटील, डॉ. अपर्णा खर्डे, डॉ. सोनल भावसार, डॉ. वर्षा सुळे, डॉ. मनिषा पावरा, तसेच सर्व औषध निर्माण अधिकारी, परिचारिका व आरोग्य कर्मचाऱ्यांचे मोलाचे सहकार्य लाभले. अशा प्रकारच्या मोफत तपासणी शिबिरांमुळे गरजू व आर्थिकदृष्ट्या दुर्बल घटकांतील बालकांना मोठा दिलासा मिळत आहे.