गेवराई:(प्रतिनिधी)
गेवराई येथे कृषी विभाग यांच्या वतीने दि.१३ एप्रिल रोजी आमदार श्री.विजयसिंह पंडित साहेब यांच्या प्रमुख उपस्थितीत आज र.भ.अट्टल महाविद्यालयाच्या गोदावरी सभागृहात खरीप हंगाम पूर्व आढावा बैठक संपन्न झाली.या मध्ये गेवराई तालुक्यातील ठाकर आडगाव येथील कृषी मित्र बाबु कोकाट यांनी ठाकर आडगाव हे गाव महाविस्तार एआय ॲप नोंदणी बाबत जिल्ह्यात पहिले आणले या बद्दल माननीय आमदार श्री.विजयसिंह पंडित साहेब यांच्या हस्ते बाबु (त्रिंबक) कोकाट यांचा सन्मानपत्र,पुष्पगुच्छ देऊन सन्मान करण्यात आला
महाविस्तार एआय ॲपच्या माध्यमातून शेतकऱ्यांना शेतीसंदर्भातील मार्गदर्शन, हवामानाचा अंदाज, पीक व्यवस्थापन, कीड व रोग नियंत्रण, तसेच आधुनिक कृषी तंत्रज्ञानाची माहिती मोबाईलवर सहज उपलब्ध होत आहे. या ॲपची जास्तीत जास्त शेतकऱ्यांनी नोंदणी करावी यासाठी त्रिंबक कोकाट यांनी गाव परिसर मध्ये जनजागृती केली.आडगाव शिवारातील ऊस तोड चालू असलेल्या ठिकाणी शेतात जाऊन त्या शेतकरी बांधवांना शासनाचे नवीन आलेलं महाविस्तार एआय ॲप इंस्टॉल करून दिले तसेच त्या मधील माहिती समजावून गावामध्ये शेतीशाळा घेत उपस्थित शेतकरी यांना ॲप इन्स्टॉल करून देत असत व त्यामधील माहिती प्रत्येक शेतकऱ्यांना त्यांच्या भाषेमध्ये समजावून सांगत आहेत तसेच न्युज पेपरवर आकाशवाणी केंद्र वर व्हॉट्सॲप ब्रॉडकास्ट द्वारे शेतकरी बांधवापर्यंत हे अँप बाबत माहिती दिली गेली
त्या मुळे आज ठाकर आडगाव या गावाने महाविस्तार एआय’ॲप नोंदणी बाबत १०० टक्के पूर्ण नोंदणी करण्याचे काम कोकाट यांनी जिल्ह्यातून प्रथम क्रमांक वर टॉप वर आणले त्यांच्या सातत्यपूर्ण प्रयत्नांमुळे मोठ्या प्रमाणावर शेतकरी या ॲपशी जोडले गेले.बाबु कोकाट यांच्या
या यशामागे कृषी विभागातील वरिष्ठ अधिकाऱ्यांचे मार्गदर्शन लाभले.या वेळी जिल्हा अधिक्षक कृषी अधिकारी श्री.सुभाष साळवे सर,गेवराई तहसिलदार श्री.संदिप खोमणे सर,गटविकास अधिकारी श्री.अनिरुध्द सानप, तालुका सर, गेवराई तालुका कृषी अधिकारी श्री.सचिन गिरी सर,जातेगांव मंडळ कृषी अधिकारी श्री.वैभव डोंगरे सर,उपकृषी अधिकारी श्री.श्रीराम पवार सर,सहाय्यक कृषी अधिकारी श्री प्रकाश वाघमारे सर
यांच्यासह बाजार समितीचे सभापती श्री.जगन्नाथ काळे,खरेदीविक्री संघाचे अध्यक्ष श्री.जयदिप औटी, प्रगतीशील शेतकरी श्री.कालिदास नवले, बियाणे व खते विक्री संघटनेचे श्री.शांतीलाल पिसाळ, ठाकर आडगाव चे सरपंच जाधव साहेब तसेच ठाकर आडगाव येथील मित्र परिवार तसेच शेतकरी बंधू यांची उपस्थिती लक्षणीय उपस्थिती होती..
