प्रतिनिधी जिजाबाई थिटे
शिक्षण विभागातील असंख्य समस्या बेदखल करणाऱ्या प्रशासनाविरुद्ध संतप्त भावना व्यक्त करण्यास्तव १६ एप्रिल २०२६ रोजी महाराष्ट्र राज्य शिक्षक सेनेच्या वतीने राज्यभर आंदोलनाची हाक महाराष्ट्र राज्य शिक्षक सेनेचे प्रांताध्यक्ष तथा मुंबई शिक्षक मतदार संघाचे आमदार
ज.मो.अभ्यंकर यांच्या नेतृत्वाखाली दिली आहे.राज्यातील शिक्षकांच्या अत्यंत संतप्त भावना असून प्रशासनाच्या अक्षम्य
असंवेदनशीलतेमुळे अनेक प्रश्नाची झळ शिक्षकांना सोसावी लागत आहे. शिक्षकांचा आक्रोश आपल्या कानी पोहोचण्याच्या हेतूने आणि आपणास कार्य प्रवण
करण्याच्या उद्दिष्टाने आणि पुढील गंभीर विषयाची तड लावण्यासाठी दि.१६ एप्रील २०२६ रोजी महाराष्ट्र राज्य शिक्षक सेनेने राज्यभर शिक्षकांचे आंदोलन आयोजित केले आहे.आंदोलनाच्या प्रमुख मागण्या खालील प्रमाणे आहेत १)अतिरिक्त शिक्षकांचे समायोजन करणे २)थकीत देयके ३) बी.एल. ओ.चे अशैक्षणिक कामे ४)परीक्षा काळातील पट पडताळणीचे आयोजन ५)संच मान्यतेमधील त्रुटी प्रस्ताव तातडीने निकाली काढणे ६)मासिक वेतनास होणारा अक्षम्य विलंब ७)विनाअनुदानित तत्त्वावरील शाळांचे स्वयं अर्थसाहित शाळांमध्ये रूपांतर ८)दुबारपाळीतील रात्र शाळा शिक्षकांचे वेतन या विषयाबाबत तातडीने निर्णय न घेतल्यास शिक्षक सेनेला यानंतर अधिक तीव्र आंदोलनाचा मार्ग पत्करावा लागणार असण्याची माहिती महाराष्ट्र राज्य शिक्षक सेनेचे पुणे जिल्हाध्यक्ष श्री रामनाथ इथापे यांनी दिली
