प्रतिनिधी:-
विवेक आर महाले
एरंडोल
दगडी शाळा म्हणुन ओळख असलेली शेंदुर्णी येथील स्वातंत्र्य पुर्व काळापासुन सुरू असलेल्या जिल्हा परिषदेच्या मराठी मुलांच्या शाळेची अखेर घंटा वाजली असुन शाळेच्या पटावर अधिकृत विद्यार्थी नाही यामुळे कार्यरत असलेले दोन शिक्षक अतिरिक्त ठरले आहे. आता शाळेत विद्यार्थी नाही, शिक्षक नाही मात्र मुक्तपणे डुकरं, कुत्रे फिरत आहेत. दुपारी संध्याकाळी मस्त पत्त्यांचे डाव रंगत असुन आंबटशौकीन, दारुडे यांना मात्र याठिकाणी मुक्त प्रवेश आहे. यासाठी जिल्हा परिषद, लोकप्रतिनिधी, प्रशासन ग्रामस्थ आणि पालक यांनी अंतर्मुख होण्याची गरज आहे.
जामनेर तालुक्यातील मोठं शहर खान्देशची प्रति पंढरपुर नगरी म्हणून सुप्रसिद्ध शहर म्हणुन शेंदुर्णीची ओळख आहे. सहकार, राजकीय सामाजिक आर्थिक सांस्कृतिक शैक्षणिक क्षेत्रातील अग्रगण्य शहर म्हणुन शेंदुर्णी ची ओळख आहे. मात्र गावातील जुन्या असलेल्या जिल्हा परिषदेच्या मराठी मुलांच्या शाळेची दुरावस्था कुणालाही दिसत नाही कुणी यासाठी काही प्रयत्न का करत नाही बहुतेक शहरातील विविध पक्षांचे नेते पदाधिकारी कार्यकर्ते सुद्धा याच शाळेतुन शिक्षण घेऊन बाहेर पडले आहे.
या दुरावस्था झालेल्या शाळेचे विदारक सत्य चित्र तर खुप भयानक आहे. याठिकाणी पुरातन आणि सगळ्यांना महत्वाचे असलेले जन्म रजिस्टर, प्रवेश आणि शाळा सोडल्याचा दाखला नोंद असलेली जवळपास १५ रजिस्टर गायबच झाली आहे कुणाच्या काळात हे झाले याचा थांगपत्ता अजुन लागला नाही.
शाळा नावालाच मात्र दुसरीच शाळा भरते
शाळा सुरू होती तेव्हा आणि आता दुपारी रात्री याठिकाणी मस्त पत्त्यांचे डाव रंगत असतात, दारुडे गांजोडी यांचा तसेच आंबटशौकीन यांचाही वावर असतो असेही काही जणांनी सांगितले आहे. या शाळेची अखेरची घंटा वाजली आहे हे मात्र खरं आहे.
