मुंबई /दे.मूलनिवासी वृत्तसेवा
विधान परिषदेच्या रिक्त जागासाठी निवडणूक कार्यक्रम जाहीर करण्यात आला आहे. 9 जागांसह एका जागेसाठी पोटनिवडणूक होणार आहे. राज्यात पुढील महिन्यात रिक्त होत असलेल्या 9 जागांसाठीचा निवडणूक कार्यक्रम निवडणूक आयोगाने जाहीर केला आहे. त्याशिवाय एका रिक्त जागेसाठी पोटनिवडणूकही जाहीर झाली आहे. विधान परिषदेच्या 9 जागांसाठी निवडणूक जाहीर केली आहे. विधान परिषदेच्या रिक्त जागा भरण्यासाठी आता मोठ्या हालचाली सुरू झाल्या आहेत.
पुढील महिन्यात रिक्त होत असलेल्या 9 जागांसाठीचा निवडणूक कार्यक्रम निवडणूक आयोगाने जाहीर केला आहे. उद्धव ठाकरे, शशिकांत शिंदे, डॉ. नीलम गोऱे इ. सदस्यांच्या जागांसाठी ही निवडणूक होणार आहे. राज्यातील विधान परिषद निवडणुकीची अधिसूचना 23 एप्रिल 2026 रोजी जाहीर होणार आहे. या 9 जागांसह एका जागेसाठी पोटनिवडणूकही पार पडणार आहे. येत्या 13 मे 2026 रोजी विधान परिषदेतील ९ सदस्यांचा कार्यकाळ संपुष्टात येत आहे.
यामध्ये माजी मुख्यमंत्री उद्धव ठाकरे, विधान परिषदेच्या उपसभापती नीलम गोरे ,अमोल मिटकरी, शशिकांत शिंदे आणि राजेश राठोड यांसारख्या दिग्गज नेत्यांचा समावेश आहे. विधानसभेतील सध्याच्या पक्षीय संख्याबळानुसार, भाजपच्या पारड्यात 5जागा जाण्याची शक्यता आहे, तर शिवसेना 2 राष्ट्रवादी 1 आणि महाविकास आघाडी 1 जागा जिंकू शकते. मात्र, राष्ट्रवादीकडे अतिरिक्त 13 मते असल्याने आणि महायुतीने अधिक उमेदवार दिल्यास ही निवडणूक बिनविरोध होण्याची शक्यता आहे.
पण लढत पाहायला मिळू शकते. या 9 जागांसह डॉ. प्रज्ञा सातव यांनी राजीनामा दिल्याने रिक्त झालेल्या जागेवरही निवडणूक जाहीर करण्यात आली आहे. काँग्रेसच्या डॉ. प्रज्ञा सातव यांनी विधान परिषद आमदारकीचा राजीनामा देत भाजपात प्रवेश केला होता. त्यांच्या आमदारकीची मुदत 27 जुलै 2030 पर्यंत आहे. या रिक्त जागेवरील पोटनिवडणूकही केंद्रीय निवडणूक आयोगाने जाहीर केली आहे
श्रीकांत रा धोकटे
(ठाणे शहर लोकप्रतिनिधी)
