🏗️ बांधकाम समिती सदस्यपदी सौ. लक्ष्मीबाई पाटील यांची निवड

दक्षिण सोलापूर तालुक्यातील हत्तुर येथील जिल्हा परिषद सदस्य सौ. लक्ष्मीबाई रतिकांत पाटील यांची सोलापूर जिल्हा परिषद बांधकाम समिती सदस्यपदी निवड करण्यात आली आहे.

या निवडीमुळे हत्तुर गटाच्या विकासाला चालना मिळेल, अशी अपेक्षा व्यक्त केली जात आहे. सौ. पाटील यांच्या निवडीबद्दल हत्तुर गटातील नागरिकांनी आनंद व्यक्त करत त्यांना शुभेच्छा दिल्या.

स्थानिक पातळीवर विकासकामांना गती देण्यासाठी तसेच पायाभूत सुविधांच्या उभारणीत त्या महत्त्वाची भूमिका बजावतील, असा विश्वास नागरिकांकडून व्यक्त होत आहे.