देवीभोयरे येथे गोमातेची ‘व्हीआयपी’ सेवा; भक्तीचे दर्शन

➡️ सोलापूरच्या भक्ताने दान केलेल्या गाईसाठी उभारले अद्ययावत शेड; फॅन, रबरी मॅटसह औषधोपचारही मोफत

देवीभोयरे,पारनेर प्रतिनिधी

पारनेर तालुक्यातील प्रसिद्ध तीर्थक्षेत्र देवीभोयरे येथील अंबिका देवीच्या एका भक्ताने दान केलेल्या गाईची ग्रामस्थ आणि देवस्थान ट्रस्टकडून अत्यंत कौतुकास्पद सेवा केली जात आहे. लोकसहभागातून गोमातेसाठी निवाऱ्याची आणि चाऱ्याची अद्ययावत सोय उपलब्ध करून देत ग्रामस्थांनी समाजासमोर एक नवा आदर्श ठेवला आहे.

श्री क्षेत्र देवीभोयरे येथील अंबिका माता मंदिर हे भाविकांचे श्रद्धास्थान असून येथे राज्यभरातून भक्त दर्शनासाठी येतात. सोलापूर जिल्ह्यातील टेंभुर्णी येथील एका भाविकाने नवसपूर्तीसाठी फेब्रुवारी महिन्यात देवीला एक गाभण गाय दान केली होती. सध्याच्या कडक उन्हाळ्यात या गोमातेला त्रास होऊ नये, यासाठी श्री अंबिका देवस्थान ट्रस्टच्या वतीने १० बाय १२ आकाराचे पत्र्याचे शेड उभारून सुरक्षित निवारा दिला आहे.

गोमातेचे उन्हापासून संरक्षण व्हावे म्हणून भाविकांनी स्वखर्चातून शेडनेट, फॅन आणि जमिनीवर रबरी मॅट बसविले आहेत. खाद्यासाठी दररोज भुसा, पेंड आणि हिरवा चारा ग्रामस्थ स्वेच्छेने आणून देतात.

दरम्यान, या गाईने एका वासराला जन्म दिल्यानंतर ग्रामस्थांनी आनंद साजरा करत

हिंदू धर्मातील गाईचे महत्त्व

[१] हिंदू धर्मात गाईला अत्यंत पवित्र आणि सर्वश्रेष्ठ मानले जाते. ज्या ठिकाणी गाय आनंदाने वावरते, तिथे देवतेचा आशीर्वाद असतो अशी श्रद्धा आहे. गाईच्या गळ्यातील घंटी वाजली की तिची आरती होते असे मानले जाते.

[२] गाईला चारा दिल्याने ३३ कोटी देवांना भोग चढवल्याचे पुण्य मिळते. गाईची पूजा केल्याने सर्व 2 अडचणींचा नाश होतो, अशी हिंदू धर्मात गाईबद्दल महती सांगितली आहे.

[३] गाईच्या खुरांमध्ये नागदेवतेचा, तर डोळ्यांमध्ये सूर्य आणि चंद्रदेवाचा वास असतो. तिच्या 3 दुधात सुवर्णांश असल्याने ते अनेक रोगांचा नाश करण्यासाठी आरोग्यदायी मानले जाते.

‘पाचवी’चा कार्यक्रमही केला. गाईचे नाव ‘दुर्गा’ तर वासराचे नाव ‘गंगा’ असे ठेवण्यात आले आहे.
गावातील पशुवैद्यकीय डॉक्टर या गोमातेची औषधोपचार सेवा मोफत करत आहेत.