पुणे : चिल्ड्रन्स फ्युचर इंडिया (CFI) व BNY संस्थेमार्फत दरवर्षीप्रमाणे 2024-25 या शैक्षणिक वर्षासाठी गरजू व होतकरू विद्यार्थ्यांना उच्च शिक्षणासाठी आर्थिक मदत देण्यात आली.
संस्थेचे संचालक व मुख्य कार्यकारी अधिकारी डॉ. किशोर देशमुख यांच्या मार्गदर्शनाखाली एकूण 22 हुशार विद्यार्थ्यांची निवड करून त्यांना सहाय्य करण्यात आले.
ही मदत विशेषतः अशा विद्यार्थ्यांसाठी आहे, ज्यांची शैक्षणिक प्रगती चांगली असूनही आर्थिक परिस्थिती कमकुवत आहे किंवा ज्यांनी पालकांचा आधार गमावला आहे. अशा विद्यार्थ्यांचे शिक्षण खंडित होऊ नये आणि त्यांना त्यांच्या आवडीच्या क्षेत्रात निर्भयपणे शिक्षण घेता यावे, हा या उपक्रमामागील मुख्य उद्देश आहे.
या उपक्रमामुळे अनेक विद्यार्थ्यांना नव्या संधी मिळत असून, त्यांच्या शैक्षणिक प्रवासाला बळकटी मिळत आहे.
