उदगीर (प्रतिनिधी) :
उदगीर येथील कै. नामदेव सटवाजी गायकवाड बहुउद्देशीय सेवाभावी संस्थेच्या वतीने बौद्ध धर्मीय सामूहिक विवाह सोहळ्याचे आयोजन करण्यात आले आहे. समाजातील गरजू कुटुंबांना दिलासा देण्यासाठी आणि सुलभ विवाह संकल्पनेला चालना देण्यासाठी हा उपक्रम राबविण्यात येत आहे.
३१ मे रोजी सोहळा
हा सामूहिक विवाह सोहळा दि. ३१ मे रोजी सायंकाळी ६.४५ वाजता विधा वर्धिनी हायस्कूल, उदगीर येथे पार पडणार आहे. या सोहळ्यासाठी इच्छुक पालकांनी वेळेत नोंदणी करण्याचे आवाहन आयोजकांनी केले आहे.
संसारोपयोगी साहित्याची सुविधा
या विवाह सोहळ्यात सहभागी होणाऱ्या वधू-वरांना संसारोपयोगी भांडी, मंगळसूत्र, जोडवे, गादी, फर्निचर आदी साहित्य देण्यात येणार आहे. तसेच ‘कन्यादान’ म्हणून वधूपित्याला २५ हजार रुपयांची आर्थिक मदतही दिली जाणार आहे.
धार्मिक विधी व मार्गदर्शन
सोहळ्यात बौद्ध भिक्खू नागसेन बोथी थेरो यांच्या उपस्थितीत धार्मिक विधी पार पडणार आहेत.
आयोजक व संपर्क
या कार्यक्रमाचे मुख्य आयोजक पपू गायकवाड असून, त्रिरंग कोबळे, व्यंकट बलाडे, विद्यासागर डोरनाळीकर, हयानंद कांबळे, बाबासाहेब सूर्यवंशी, अमोल तांबरे, अशोक कांबळे, विनोद सुतार आदी कार्यकर्ते आयोजनात सहभागी आहेत.
अधिक माहितीसाठी इच्छुकांनी पपू गायकवाड यांच्याशी संपर्क साधण्याचे आवाहन करण्यात आले आहे.
