कोकण परिक्षेत्राचे विशेष पोलीस महानिरीक्षक चंद्र किशोर मीणा यांची रत्नागिरी जिल्ह्यास सदिच्छा भेट; कायदा व सुव्यवस्थेचा घेतला आढावा
रत्नागिरी
|दापोली | प्रतिनिधी
कोकण परिक्षेत्राचे नव नियुक्त विशेष पोलीस महानिरीक्षक चंद्र किशोर मीणा यांनी रत्नागिरी जिल्ह्यास सदिच्छा भेट देत जिल्ह्यातील पोलीस प्रशासनाच्या कामकाजाचा सविस्तर आढावा घेतला.
यावेळी नितीन बगाटे तसेच बी. बी. महामुनी यांनी पुष्पगुच्छ देऊन त्यांचे स्वागत केले.
सदर बैठकीदरम्यान जिल्ह्यातील कायदा व सुव्यवस्था, गुन्हे प्रतिबंधक उपाययोजना, संवेदनशील भागांतील परिस्थिती तसेच पोलीस दलाच्या दैनंदिन कामकाजाचा सखोल आढावा घेण्यात आला.
नागरिकांच्या सुरक्षेला प्राधान्य देत प्रभावी पोलीसिंगसाठी आवश्यक सूचना व मार्गदर्शन यावेळी करण्यात आले.
याप्रसंगी पोलीस विभागातील वरिष्ठ अधिकारी उपस्थित होते.
रत्नागिरी जिल्ह्यात शांतता, सुव्यवस्था आणि नागरिकांच्या सुरक्षिततेसाठी पोलीस प्रशासन कटिबद्ध असल्याचा विश्वास यावेळी व्यक्त करण्यात आला.
