मोलगी येथे वक्तृत्व स्पर्धा व मार्गदर्शन सोहळा उत्साहात संपन्न.

शहादा,दि.30(का.प्र.)
अक्कलकुवा तालुक्यातील मोलगी येथील मुळबीज शैक्षणिक संस्थेच्या ‘अल्फाबेट कोचिंग झोन’ व डॉ. बाबासाहेब आंबेडकर संशोधन व प्रशिक्षण संस्था (बार्टी), पुणे यांच्या संयुक्त विद्यमाने परिसरातील विद्यार्थ्यांसाठी वक्तृत्व स्पर्धा व मार्गदर्शन कार्यक्रमाचे आयोजन करण्यात आले होते. या स्पर्धेला विद्यार्थ्यांचा उत्स्फूर्त प्रतिसाद लाभला.
कार्यक्रमाच्या प्रारंभी आदिवासी कुलदैवत याहा मोगी माता यांच्या प्रतिमेचे पूजन करण्यात आले. या प्रसंगी व्यासपीठावर प्रमुख पाहुणे व परीक्षक म्हणून ‘बार्टी’चे समतादूत ब्रिजलाल पाडवी होते .अध्यक्षस्थानी कनिष्ठ अभियंता कांतिलाल तडवी उपस्थित होते तसेच यावेळी अधिपरीचारिका सुनंदा वळवी व दारासिंग वसावे उपस्थित होते. कार्यक्रमाचे प्रास्ताविक अनिल वसावे यांनी केले. या वेळी प्रमुख अतिथी ब्रिजलाल पाडवी यांनी विद्यार्थ्यांना वक्तृत्व कौशल्याबाबत मोलाचे मार्गदर्शन केले.या स्पर्धेत मला मोबाईल नको आई पाहिजे,

मोबाईल चांगला की वाईट आणि मोबाईल टॉवर आणि मानवी जीवन अशा विविध विषयांवर विद्यार्थ्यांनी आपले विचार मांडले. स्पर्धेचे परीक्षण ब्रिजलाल पाडवी व ईश्वर वसावे यांनी केले. गोटूसिंग वळवी यांनी सूत्रसंचालन करत वक्तृत्वाच्या विविध पैलूंवर प्रकाश टाकला.
स्पर्धेचा निकाल असा
प्रथम गट:
प्रथम:सुप्रिया फतेसिंग पाडवी (अल्फाबेट इंग्लिश मिडियम स्कूल)
द्वितीय: तनिष्का कांतिलाल तडवी (एम. एल. पटेल शाळा)
तृतीय: विवेक रतन वाडिले (शासकीय आश्रम शाळा, मोलगी)

द्वितीय गट:
प्रथम: प्राची मधुकर वसावे (शासकीय आश्रम शाळा, मोलगी)
द्वितीय: आर्या कांतिलाल तडवी (एम. एल. पटेल शाळा, नंदुरबार)
तृतीय: विश्वजीत सरदारसिंग वसावे (जिल्हा परिषद शाळा)
तृतीय गट:
प्रथम: लावण्या बलवंत वळवी (शासकीय आश्रम शाळा, मोलगी)
द्वितीय: आर्या राजेश पाडवी
तृतीय (संयुक्त): आदित्य दारासिंग वसावे (मिशन शाळा, नंदुरबार) व उज्वला सरदारसिंग वसावे (कराड येथील शाळा).या स्पर्धेत मोलगी व परिसरातील विद्यार्थी मोठ्या संख्येने सहभागी झाले होते. यशस्वी विद्यार्थ्यांचे सर्व स्तरांतून कौतुक होत आहे.