- महाराष्ट्रातील शिक्षकांनो जाचक ऑनलाईन संचमान्यते च्या निषेध आंदोलनात सहभागी व्हा👍🏻* विजु क्टा अध्यक्ष डॉ अविनाश बोर्डे यांचे जाहीर आवाहन
अहेरी प्रतिनिधी .दिनांक 28/05/2026 रोजी ऑनलाईन संचमान्यता प्रत्येक कॉलेजच्या लॉगिनला आलेली आहे त्यामुळे अनुदानित व अंशतः अनुदानित शिक्षण पद्धती उद्ध्वस्त होते की, काय असा गंभीर धोका निर्माण झालेला आहे… ऑनलाईन संचमान्यतेच्या जाचक निकषांमुळे महाराष्ट्रातील हजारो तुकड्या बंद पडणार असून त्यावरील 10000 ते 15000 प्राध्यापक अतिरिक्त होणार आहेत…
महाराष्ट्राला शिक्षणाची भूमि म्हणतात, ज्या महाराष्ट्राला राजमाता जिजाऊ माँसाहेब आणि शिवछत्रपतींचा महाराष्ट्र म्हणतात… ज्या महाराष्ट्राला शाहू, फुले, - आंबेडकरांचा महाराष्ट्र म्हणतात त्याच महाराष्ट्रातील अनुदानित व अंशतः अनुदानित शिक्षण पद्धती उद्ध्वस्त करण्याचे पाप महाराष्ट्र राज्य सरकारने हाती घेतले आहे तेव्हा ऑनलाईन संच मान्यतेच्या जाचक अटींना विरोध करण्यासाठी आणि अनुदानित आणि अंशतः अनुदानित शिक्षण पद्धती वाचविण्यासाठी प्रत्येक कनिष्ठ महाविद्यालयीन प्राध्यापकांनी आंदोलनामध्ये सहभागी होणे अनिवार्य आहे..
प्राध्यापक बांधवांनो, अनुदानित व अंशतः
अनुदानित तुकडी वरील प्राध्यापकांना जुनी पेन्शन योजना मिळवायची असेल आणि अंशतः अनुदानित तुकडीवरील प्राध्यापकांना 100% अनुदानाचा टप्पा गाठायचा असेल तर तुमची तुकडी टिकणे अत्यंत महत्त्वाचे आहे जर तुमची तुकडीच टिकली नाही तर तुम्हाला जुनी पेन्शन योजना मिळणार नाही आणि 100% अनुदानाचा टप्पा ही गाठता येणार नाही तेव्हा आपले आणि आपल्या तुकडीचे भविष्य टिकवायचे असेल तर आंदोलनाशिवाय पर्याय नाही
एक आवर्जून लक्षात ठेवा अनुदानित आणि अंशतः अनुदानित शिक्षण पद्धती उध्वस्त होत आहे
दिनांक 01जून 2026, वार सोमवार, सकाळी 11 वाजता शिक्षण उपसंचालक कार्यालय, नागपूर येथे आयोजित कनिष्ठ महाविद्यालयीन महासंघ, विज्युक्टा व अंशतः अनुदानित उच्च माध्यमिक शिक्षक संघटना यांनी पुकारलेल्या निषेध आंदोलनामध्ये प्रत्येक कॉलेजने आणि प्रत्येक कॉलेजमधील प्राध्यापकांनी आवर्जून उपस्थित राहावे असे विजु क्टा अध्यक्ष – डॉ अविनाश बोर्डे यांनी आवाहन केले आहे
. जय विज्युक्टा
