गेवराई प्रतिनिधी : गेवराई तालुक्यातील माटेगाव येथे लोकमाता राजमाता Ahilyabai Holkar पुण्यश्लोक अहिल्यादेवी होळकर यांची ३०१ वी जयंती मोठ्या उत्साहात साजरी करण्यात आली. यावेळी गावातील ग्रामस्थ, ज्येष्ठ नागरिक, तरुण मंडळाचे सदस्य तसेच विविध क्षेत्रातील मान्यवर मोठ्या संख्येने उपस्थित होते.
कार्यक्रमाची सुरुवात अहिल्यादेवी होळकर यांच्या प्रतिमेचे पूजन करून करण्यात आली. गावचे सरपंच ज्ञानेश्वर अरबड, माजी सदस्य गणेश चव्हाण, माजी सरपंच दिनकर टेकाळे तसेच ह.भ.प. पांडुरंग महाराज जाधव यांच्या हस्ते प्रतिमेचे पूजन करण्यात आले.
यावेळी उपस्थित मान्यवरांनी अहिल्यादेवी होळकर यांच्या कार्याचा गौरव करत त्यांच्या आदर्श जीवनातून प्रेरणा घेण्याचे आवाहन केले. समाजकल्याण, न्यायप्रियता आणि लोकहितकारी कारभारामुळे अहिल्यादेवी होळकर यांचे नाव इतिहासात अजरामर असल्याचे वक्त्यांनी सांगितले.
या कार्यक्रमास जगन टेकाळे, अनिरुद्ध चव्हाण, सारथी महाराष्ट्रचे पत्रकार मुकुंद आरवट, गणेश शिंदे, भागवत जंगले, सोपान टेकाळे, लक्ष्मण तुपे, शरद शिंदे, ओंकार टेकाळे, दत्ता टेकाळे, गणेश टेकाळे, योगेश कर्डीले, महादेव कर्डीले, अनिकेत टेकाळे, आकाश टेकाळे, ओंकार कदम, कार्तिक चव्हाण, अनिल इंदे, उपसरपंच शहादेव यादव, राजेश खाणाल आदींसह ग्रामस्थ मोठ्या संख्येने उपस्थित होते.
कार्यक्रम उत्साहपूर्ण वातावरणात पार पडला असून उपस्थितांनी पुण्यश्लोक अहिल्यादेवी होळकर यांच्या स्मृतींना अभिवादन केले.
