🙏 सुनिल नलावडे
प्रतिनिधी महाबळेश्वर
💐महाबळेश्वर मध्ये अवतरली पर्यटकांची मांदियाळी💐
महाराष्ट्रातील सुप्रसिद्ध थंड हवेचे ठिकाण म्हणून ओळख असलेले महाबळेश्वर येथे पर्यटक हे मे महिन्यातील सुट्टीचा आस्वाद घेण्यासाठी लाखोंच्या संख्येने येत आहेत येथील हॉटेल व्यवसायिक तसेच छोटे-मोठे व्यवसायिक यांचे आर्थिक उन्नती यामुळे होत असून महाबळेश्वर मध्ये अक्षरशः जत्रेचे स्वरूप पाहावयास मिळत आहे .महाबळेश्वर आणि परिसरातील सर्व पर्यटन पॉईंट तसेच मॅप्रो गार्डन , वेणा लेक येथे बोटिंग साठी,पांडवकालीन महादेवाची स्वयंभू मंदिर क्षेत्र महाबळेश्वर तसेच स्वयंभू श्री उत्तेश्वर मंदिर येथे पर्यटकांची झुंबड पाहावयास मिळत आहे . रस्त्यांवरती वाहनांच्या लांबच लांब रांगा दिसून येत आहेत . पुणे मुंबई तसेच गुजरात या ठिकाणाहून असंख्य पर्यटक आपल्या सुट्टीचा आस्वाद घेण्यासाठी कुटुंबासह येत आहेत .
तसेच महाराष्ट्रात मिनी काश्मीर म्हणून ओळख असलेले तापोळा या ठिकाणी देखील जल पर्यटनासाठी पर्यटक मोठ्या प्रमाणात येत आहेत त्यामुळे येथील देखील टेन्ट हाऊस रिसॉर्ट तसेच छोटे मोठे व्यवसायीक हे आनंदात आहेत परंतु काही प्रमाणात इंधन वाढीचा झळ पर्यटक व व्यावसायिका यांना बसत आहे .
