देवस्थान शेत जमीन हरकती संबंधाने मा. आमदार देवराव भोंगळे यांना निवेदन सादर !
महाराष्ट्र सरकार येत्या पावसाळी अधिवेशनात देवस्थान शेत जमीन कायदा दुरुस्ती विधेयक विधानसभेत नव्याने मंजूर करणार आहे. या संबंधाने जनतेच्या, भक्तांच्या काही हरकती असल्यास दि. ६ जुन २०२६ पर्यंत मांडण्याचे आवाहन मा. महसुली मंत्री चंद्रशेखर बावनकुळे यांनी केले आहे. याला अनुसरून राजुरा शहरातील जनतेच्या हरकती मा. आमदार साहेबांना समजावून सांगण्यात आल्या. त्याला त्यांनी दुजोरा दिला. येत्या पावसाळी अधिवेशनात या समस्येचा अभ्यास करून हा मुद्दा विधानसभेत मांडण्याचे आश्वासन देण्यात आले.
मंदिराच्या शेत जमिनी या उत्पन्नाचे साधन असल्याने त्याचे स्वामित्व आणि अधिकार देवस्थान कमेटीकडे सोपविण्यात यावे.तसेच जिथे कमेटी नसेल तिथे तहसिलदार यांना हे अधिकार बहाल करण्यात यावे असे सर्वांचे एकमत पडले. मा.मुख्यमंत्री महाराष्ट्र यांच्या नावाने निवेदन देण्यात आले.या निवेदनाच्या प्रती मा.महसूल मंत्री आणि जिल्हाधिकारी चंद्रपूर यांना पाठविण्यास सांगितले.
या प्रसंगी मा.सुनिलभाऊ उरकुडे माजी जि.प.सदस्य, मिलिंद देशकर शहर भाजपा महामंत्री,अरूण भोयर सदस्य भवानी माता मंदिर,मंगेश श्रीरामवार, प्रकाश मोहुर्ले, निखिल मेंढे, सामाजिक कार्यकर्ते मिलिंद गड्डमवार इत्यादींच्या उपस्थितीत निवेदन देण्यात आले.
