तरवाडी येथे पुण्यश्लोक अहिल्यादेवी होळकर जयंती उत्साहात साजरी

नांदुरा प्रतिनिधी

नांदुरा तालुक्यातील तरवाडी येथे लोकमाता राजमाता Ahilyabai Holkar पुण्यश्लोक अहिल्यादेवी होळकर यांची जयंती उत्साहपूर्ण वातावरणात साजरी करण्यात आली. यावेळी पंचक्रोशीतील सकल धनगर समाज, गावातील पदाधिकारी, सामाजिक कार्यकर्ते आणि नागरिक मोठ्या संख्येने उपस्थित होते.

कार्यक्रमात उपस्थित मान्यवरांनी अहिल्यादेवी होळकर यांच्या जीवनकार्याला अभिवादन करत त्यांच्या कर्तृत्वाचा गौरव केला. अत्यंत प्रतिकूल परिस्थितीतही धैर्य, दूरदृष्टी आणि जनसेवेच्या बळावर त्यांनी राज्यकारभार यशस्वीपणे सांभाळला. प्रजेच्या कल्याणाला सर्वोच्च प्राधान्य देत न्यायप्रिय आणि लोकाभिमुख प्रशासनाचा आदर्श निर्माण केल्याचे यावेळी वक्त्यांनी सांगितले.

देशभरातील अनेक मंदिरे, घाट, धर्मशाळा आणि पाण्याच्या सुविधांची उभारणी करून अहिल्यादेवींनी समाजसेवेचे महान कार्य केले. स्त्रीशक्ती, कर्तृत्व आणि संवेदनशील नेतृत्वाचे प्रेरणादायी प्रतीक असलेल्या त्यांच्या विचारांमधून आजही समाजाला दिशा मिळत असल्याचे मत उपस्थितांनी व्यक्त केले.

यावेळी “स्त्रीकर्तृत्वाचा सुवर्ण इतिहास घडविणाऱ्या दानशूर, न्यायप्रिय आणि धर्मपरायण राजमाता अहिल्यादेवी होळकर यांच्या दैदीप्यमान कार्यास कोटी-कोटी विनम्र अभिवादन” करण्यात आले.

या कार्यक्रमास वंचित बहुजन आघाडीचे युवा नेते भूषण वानखडे, गट ग्रामपंचायत तरवाडीचे सरपंच ओमराज कुटे, ग्रामपंचायत सदस्य विष्णू कुटे, रामसिंग चव्हाण, बाबूसिंग चव्हाण, रोशन तायडे, गजानन वरखेडे, अनंता वरखेडे, सिद्धार्थ वानखेडे, बबन काळे, शिवहरी काळे, राहुल कुटे, महादेव कुटे, आशा वरखेडे, लिलाबाई वरखेडे, माधुरी वरखेडे, सुभाष कुटे यांच्यासह अनेक मान्यवर व ग्रामस्थ उपस्थित होते.

कार्यक्रम उत्साहात पार पडला असून उपस्थितांनी अहिल्यादेवी होळकर यांच्या कार्यातून प्रेरणा घेऊन समाजहितासाठी कार्य करण्याचा संकल्प व्यक्त केला.