महाराणी अहिल्याबाई होळकर
मे एकतीसला । जन्माला येऊन ।
घडविले जन । महेश्वरी ||
सुशीला मातोश्री । माणकोजी पिता ।
पेटविल्या वाता। विकासाच्या ||२||
मुक्ताबाई लेक। पती खंडेराव ।
पुत्र मालेराव । परिवार ||३||
चौंडी ग्राम नाम । दूर पोहोचले।
कर्तृत्व गाजले । भारतात ।।४।।
येताच वैधव्य । नाही गेल्या सती ।
जुळविली नाती । जनतेशी ।।
सम्राज्ञी महान । माळवा प्रांताची ।
मल्हाररावांची । क्रांती स्नुषा ।।
अहिल्याबाई ही । एक महाराणी ।
एक राजधानी । महेश्वर ।।
मानलाच नाही । जाती-धर्म भेद ।
सर्वांनाच छेद । कर्मातून ।।
तलाव विहिरी । बांधुनिया दिले।
आनंदित केले। शेतकरी ।।
दरोडेखोरांना । आश्रय देऊन ।
सु-परिवर्तन । घडविले ।।
जनतेची राणी । थोर तपस्विनी।
एक तेजस्विनी । अहिल्याच ।।
अहिल्याबाईला । करितो नमन।
करांनी वंदन । कोटी कोटी ।।
समता गौरव पुरस्कार प्राप्त
अभंगकार
प्रा.अरुण बाबारावजी बुंदेले,
अमरावती.८०८७७४८६०९
