पुण्यश्लोक अहिल्यादेवी होळकर यांच्या विचारांचा आदर्श समाजाने घ्यावा – आ. बबनराव लोणीकर
आष्टी येथे पुण्यश्लोक अहिल्यादेवी होळकर यांची जयंती उत्साहात साजरी
आष्टी (ता. परतूर) : पुण्यश्लोक अहिल्यादेवी होळकर यांच्या जयंतीनिमित्त आष्टी येथे आयोजित करण्यात आलेल्या भव्य मिरवणुकीत माजी मंत्री तथा आमदार बबनराव लोणीकर यांनी उत्साहात सहभाग नोंदवून पुण्यश्लोक अहिल्यादेवींना अभिवादन केले. यावेळी त्यांनी उपस्थित नागरिकांना अहिल्यादेवी होळकर यांच्या कार्याचा आणि विचारसरणीचा समाजाला आजही कसा लाभ होत आहे, याविषयी मार्गदर्शन केले.
यावेळी बोलताना आ. लोणीकर म्हणाले की, पुण्यश्लोक अहिल्यादेवी होळकर या केवळ एक आदर्श शासक नव्हत्या, तर त्या न्यायप्रिय, दूरदृष्टी असलेल्या आणि लोककल्याणासाठी आयुष्य समर्पित करणाऱ्या महान समाजसेविका होत्या. त्यांनी आपल्या राज्यकारभारातून महिला सक्षमीकरण, सामाजिक समता, धर्मनिरपेक्षता आणि लोकहितकारी प्रशासनाचा आदर्श निर्माण केला. आजच्या पिढीने त्यांच्या विचारांचा अभ्यास करून त्यांचे जीवनचरित्र प्रेरणास्रोत म्हणून स्वीकारले पाहिजे.
अहिल्यादेवींनी देशभरातील अनेक मंदिरे, घाट, धर्मशाळा आणि सार्वजनिक बांधकामे उभारून सांस्कृतिक वारसा जपण्याचे मोठे कार्य केले. समाजातील दुर्बल आणि वंचित घटकांच्या उन्नतीसाठी त्यांनी घेतलेले निर्णय आजही मार्गदर्शक ठरत आहेत. त्यांच्या कार्यातून सेवा, त्याग आणि लोकहिताची भावना शिकण्यास मिळते, असेही आ. लोणीकर यांनी सांगितले.
आष्टी येथे निघालेल्या भव्य मिरवणुकीत विविध सामाजिक संघटना, युवक मंडळे, महिला भगिनी तसेच ग्रामस्थ मोठ्या संख्येने सहभागी झाले होते. ढोल-ताशांच्या गजरात आणि जयघोषात निघालेल्या या मिरवणुकीमुळे परिसरात उत्साहाचे वातावरण निर्माण झाले होते. मिरवणुकीदरम्यान पुण्यश्लोक अहिल्यादेवी होळकर यांच्या प्रतिमेस पुष्पहार अर्पण करून अभिवादन करण्यात आले
यावेळी तालुकाध्यक्ष शत्रुघन कणसे संपत टकले सरपंच मधुकर मोरे बाबाराव थोरात रंगनाथ येवले बाबू गोसावी बाळू सागुते रंगनाथ गायकवाड हनुमान गायकवाड विष्णू गायकवाड योगेश भले केशव गायकवाड हनुमान गायकवाड राजेश सागुते विठ्ठल सागुते नारायण साबुते विष्णुपंत शहाणे श्रीसर गांजाळे बबलू सातपुते अमोल जोशी आसिफ कच्ची, रमेश थोरात छत्रपती थोरात, रफिक राज अनंता आगलावे बाबा सोळंके यांच्या सह मोठ्या संख्येने
कार्यक्रमास स्थानिक पदाधिकारी, कार्यकर्ते, समाजबांधव तसेच विविध क्षेत्रातील मान्यवर संख्येने उपस्थित होते
