📍 माहूर तालुक्यातील पैनगंगा नदीच्या तीरावर हॉटेल चालकाची मुजोरी; 161A मेन रोडवर दगडाचा पौळ ठेवून वाहतुकीला अडथळा! 😡
✍️ तालुका प्रतिनिधी : कुंदन तिवडकर
माहूर : माहूर तालुक्यातील पैनगंगा नदीच्या तीरावर असलेल्या एका हॉटेल चालकाने 161A मुख्य मार्गालगत दगडाचा मोठा पौळ ठेवून रस्त्यावर अतिक्रमण केल्याचा आरोप स्थानिक नागरिकांकडून करण्यात येत आहे.
या दगडाच्या पौळामुळे वाहनधारकांना ये-जा करताना मोठी अडचण निर्माण होत असून अपघाताचा धोका देखील वाढला आहे. विशेषतः रात्रीच्या वेळी या ठिकाणी अपघात होण्याची शक्यता नागरिकांनी व्यक्त केली आहे.
स्थानिकांच्या मते, सार्वजनिक रस्त्यावर अशा प्रकारे अडथळा निर्माण करणे हे नियमबाह्य असून संबंधित प्रशासनाने तात्काळ दखल घेऊन कारवाई करावी, अशी मागणी जोर धरत आहे.
📢 प्रश्न असा की, सार्वजनिक रस्त्यावर अडथळा निर्माण करणाऱ्या संबंधित हॉटेल चालकावर प्रशासन कारवाई करणार का? की एखादा अपघात झाल्यानंतरच अधिकारी जागे होणार?
⚠️ नागरिकांच्या सुरक्षेचा प्रश्न ऐरणीवर!
