🔺केळापूर तालुका किसान सभा अध्यक्षपदी दिलीप कुमरे यांची निवड
🔺 पाटनबोरी येथे किसान सभेचे तालुका अधिवेशन संपन्न
पाटणबोरी :- अखिल भारतीय किसान सभेचे केळापूर तालुका अधिवेशन दिनांक 31 मे 2026 रोज रविवारला पाटण बोरी येथील कालिका मंदिर सभागृहात घेण्यात आले. दर तीन वर्षांनी किसान सभेचे अधिवेशन होऊन तीन वर्षाचा लेखाजोखा होऊन पुढील तीन वर्षासाठी नवीन कार्यकारिणीची निवड करण्यात येते. केळापूर तालुका अध्यक्ष म्हणून दिलीप कुमरे यांची एकमताने निवड करण्यात आली.
या अधिवेशनाच्या अध्यक्षस्थानी ज्येष्ठ नेते कुमार मोहरमपुरी हे होते तर प्रमुख पाहुणे म्हणून किसान सभा जिल्हा अध्यक्ष चंद्रशेखर सिडाम, जनवादी महिला संघटनेच्या माजी अध्यक्ष व किसान सभा जिल्हा कमिटी सदस्य अनिता ताई खूणकर, सुरेखा ताई बिरकुलवार, गजानन ताकसांडे, किसन मोहुर्ले, बादल कोडापे हे प्रमुख किसान सभेचे पदाधिकारी व सदस्य यांची उपस्थिती होती.
या वेळी किसान सभा तालुका अध्यक्ष कॉ दिलीप कुमरे,सचिव कॉ सुरेखा ताई बिरकुलवार उपाध्यक्ष कॉ सुभाष कोडापे, कॉ महेंद्र मन्ने, कॉ संतोष आत्राम, कॉ विठ्ठल दासरवार,कॉ विनोद अरके,कॉ प्रकाश संकरवार, रवी मेश्राम,तुळसाबाई कुडमेथे, अन्नपूर्णा आडे यांची निवड करण्यात आली.
प्रस्तावना चंद्रशेखर सिडाम यांनी केली. या वेळेस ॲड. कुमार मोहरमपुरी, अनिताताई खुनकर, किसन मोहुर्ले, गजानन ताकसांडे यांनी मार्गदर्शन केले.
अधिवेशनाला तालुक्यातील अनेक गावातील किसान सभेचे निवडक 95 स्त्री,पुरुष प्रतिनिधी उपस्थित होते.या वेळी किसान सभा जिल्हा अध्यक्ष कॉ चंद्रशेखर सिडाम या अधिवेशनात या वर्षीचे तापमान लक्षात घेता किसान सभेच्या सदस्यांना आपल्या शेतात प्रत्येकी दोन झाडे लावा व त्याचे संगोपन करा अशे या अधिवेशन प्रसंगी सांगितले.
