निसर्गोपचार तज्ञ डॉक्टर अविनाश सोनगिरकर यांचा गौरव
जळगाव – येथील सुप्रसिद्ध निसर्गोपचार तज्ञ डॉक्टर अविनाश सोनगिरकर यांना पुणे येथे एका कार्यक्रमात त्यांच्या वैद्यकीय क्षेत्रातील उल्लेखनीय कार्याची दखल घेऊन गौरविण्यात आले.
पुणे येथील मुळशी गावात नुकत्याच संपन्न झालेल्या पहिल्या राष्ट्रीय निसर्गोपचार साहित्य संमेलनात डॉक्टर अविनाश सोनगिरकर हे समाजामध्ये निसर्गोपचार विषयी जागृती तसेच ही पारंपरिक चिकित्सापद्धती जिवंत ठेवण्यासाठी करीत असलेल्या कार्याबद्दल त्यांना निसर्गदूत म्हणून सन्मानपत्र देऊन गौरविण्यात आले.
जागतिक कीर्तीचे मर्मचिकित्सक व संमेलनाचे अध्यक्ष डॉक्टर हेमंत खेडेकर यांच्या उपस्थितीत ज्येष्ठ साहित्यिका आणि उद्योजिका सौ चंद्रलेखा बेलसरे* यांच्या हस्ते स्मृतिचिन्ह व सन्मानपत्र देऊन सत्कार करण्यात आला.
दिनांक 22 मे 2026 रोजी मुळशी ऍग्रो टुरिझम येथे संपन्न झालेल्या निसर्गोपचार साहित्य संमेलनात संपूर्ण देशातून तीनशे ते चारशे तज्ञ उपस्थित होते.
डॉक्टर अविनाश सोनगिरकर हे जळगाव शहरांत गेल्या 36 वर्षापासून वैद्यकीय क्षेत्रात ( ॲक्युप्रेशर चिकित्सा ) कार्यरत असून त्यांचे संशोधन व चिकित्सा कार्य अखंडपणे सुरू असतें वं त्याचा अनेक रुग्णांना लाभ होत आहे. आतापर्यंत हजारो रुग्णांना त्यांनी व्याधीमुक्त केले आहे.
