बाजार वाहेगाव | प्रतिनिधी
आज ग्रामपंचायत कार्यालय, बाजार वाहेगाव येथे लोकमाता पुण्यश्लोक अहिल्यादेवी होळकर यांची जयंती उत्साहात साजरी करण्यात आली. यावेळी उपस्थित मान्यवरांनी अहिल्यादेवी होळकर यांच्या प्रतिमेस पुष्पहार अर्पण करून त्यांना अभिवादन केले.
यावेळी वक्त्यांनी अहिल्यादेवी होळकर यांच्या कार्याचा गौरव करताना सांगितले की, “सत्ता ही उपभोगासाठी नसून लोककल्याणासाठी असते,” हा आदर्श त्यांनी आपल्या कार्यातून संपूर्ण जगासमोर ठेवला. समाजहित, न्यायप्रियता, धर्मनिरपेक्षता आणि लोककल्याणकारी राज्यकारभार यामुळे त्यांचे नाव इतिहासात सुवर्णाक्षरांनी कोरले गेले आहे.
आद्य समाजसुधारक, लोकमाता आणि आदर्श प्रशासक म्हणून ओळखल्या जाणाऱ्या पुण्यश्लोक अहिल्यादेवी होळकर यांच्या जयंतीनिमित्त उपस्थितांनी त्यांना कोटी कोटी वंदन करत त्यांच्या विचारांचा वारसा पुढे नेण्याचा संकल्प व्यक्त केला.
कार्यक्रमास ग्रामपंचायत पदाधिकारी, कर्मचारी तसेच ग्रामस्थ मोठ्या संख्येने उपस्थित होते.
लोकमाता पुण्यश्लोक अहिल्यादेवी होळकर यांना जयंतीनिमित्त विनम्र अभिवादन! 💐🙏🏻
