यवतमाळ स्थानिक स्वराज्य संस्था निवडणूक: महायुतीचे दुष्यंत चतुर्वेदी यांनी भरला अर्ज, मंत्री संजय राठोड यांची पत्रकार परिषद
✍🏼जिल्हा प्रतिनिधी, विजय बारस्कर
यवतमाळ: विधान परिषदेच्या यवतमाळ स्थानिक स्वराज्य संस्था मतदारसंघासाठी महायुतीचे अधिकृत उमेदवार दुष्यंतजी चतुर्वेदी यांनी आज शिवसेना (शिंदे गट) पक्षाकडून उमेदवारी अर्ज दाखल केला. अर्ज भरण्याची आज 1 जून ही शेवटची तारीख होती.
यावेळी मृद व जलसंधारण मंत्री संजय राठोड यांनी पत्रकारांशी संवाद साधला. ते म्हणाले, “महायुतीने यवतमाळची जागा शिवसेनेला दिली असून दुष्यंत चतुर्वेदी हे आमचे सक्षम उमेदवार आहेत. 2020 मध्येही त्यांनी या मतदारसंघातून विजय मिळवला होता. यावेळीही महायुती पूर्ण ताकदीने त्यांच्या पाठीशी उभी आहे. स्थानिक स्वराज्य संस्थांमधील 405 मतदारांचा आम्हाला पूर्ण विश्वास आहे.”
कोण आहेत दुष्यंत चतुर्वेदी?
नागपूरचे ज्येष्ठ काँग्रेस नेते सतीश चतुर्वेदी यांचे चिरंजीव असलेले दुष्यंत चतुर्वेदी यांनी 2020 मध्ये काँग्रेसमधून शिवसेनेत प्रवेश केला होता. त्याच वर्षी झालेल्या पोटनिवडणुकीत त्यांनी भाजपचे सुमित बाजोरिया यांचा पराभव करून विजय मिळवला होता. सध्या ते याच मतदारसंघाचे विद्यमान आमदार आहेत..
निवडणुकीचे पुढील टप्पे:
अर्जांची छाननी 2 जून रोजी होणार असून 4 जूनपर्यंत अर्ज माघारी घेता येणार आहेत. 18 जून रोजी मतदान आणि 22 जून रोजी मतमोजणी होणार आहे.
महायुतीच्या जागावाटपात यवतमाळसह ठाणे, नाशिक, परभणी व संभाजीनगर या जागा शिवसेनेला मिळण्याची चर्चा आहे. भाजप 12 तर राष्ट्रवादी 2 जागांवर लढणार असल्याचे बोलले जात आहे.
या निवडणुकीकडे संपूर्ण जिल्ह्याचे लक्ष लागले आहे.
प्रतिनिधी,विजय बारस्कर
संपर्क: 8261015062
