श्रीरामपूर | प्रतिनिधी
शहरातील व्यापाऱ्यांची प्रमुख संस्था असलेल्या श्रीरामपूर मर्चंट असोसिएशनच्या नवीन कार्यकारिणीची निवड नुकतीच करण्यात आली. संस्थेचे अध्यक्ष राहुल रमेश कोठारी यांच्या अध्यक्षतेखाली झालेल्या बैठकीत नवीन पदाधिकाऱ्यांची निवड जाहीर करण्यात आली.
यामध्ये संस्थेच्या अध्यक्षपदी प्रवीण गुलाटी यांची निवड करण्यात आली. प्रवीण गुलाटी हे विविध सामाजिक उपक्रमांमध्ये सक्रिय सहभाग घेत असून लायन्स क्लबच्या माध्यमातून ते सातत्याने समाजसेवा करत आहेत.
तसेच सेक्रेटरीपदी योगेश ओझा यांची निवड करण्यात आली. योगेश ओझा हे भारतीय जनता पक्षाचे शहर उपाध्यक्ष असून सामाजिक कार्यात त्यांचा विशेष सहभाग आहे. ते आरंभ सामाजिक प्रतिष्ठानच्या माध्यमातून विविध समाजोपयोगी उपक्रम राबवत असतात.
याशिवाय संस्थेच्या उपाध्यक्षपदी स्वप्नील चोरडिया तर जॉइंट सेक्रेटरीपदी नंदकुमार कोठारी यांची निवड करण्यात आली.
नवीन कार्यकारिणीच्या निवडीप्रसंगी संजय छल्लारे, राजेश अलघ, रवी गुलाटी, संजय जोशी, गौतमशेठ उपाध्ये, मुन्ना झंवर, बाळासाहेब खाबीया, निलेश नांगरे, संजय कासलीवाल, संदीप अग्रवाल, दत्ता ढालपे आदी मान्यवर उपस्थित होते.
नवनियुक्त पदाधिकाऱ्यांचे व्यापारी व सामाजिक क्षेत्रातील विविध मान्यवरांनी अभिनंदन केले असून त्यांच्या नेतृत्वाखाली संस्थेचे कार्य अधिक प्रभावीपणे पुढे जाईल, असा विश्वास व्यक्त करण्यात आला.
नवनियुक्त सर्व पदाधिकाऱ्यांचे हार्दिक अभिनंदन व पुढील कार्यकाळासाठी शुभेच्छा! 💐🎉
