शिरपूर | प्रतिनिधी
झेंडेअंजन (ता. शिरपूर) येथील शेतकरी कादरसिंग रणसिंग पावरा यांचे विजेचा धक्का लागून दुर्दैवी निधन झाल्यानंतर त्यांच्या कुटुंबावर मोठे संकट कोसळले होते. या कठीण परिस्थितीत लोकप्रतिनिधी आणि प्रशासनाच्या पाठपुराव्यामुळे कुटुंबाला आर्थिक आधार मिळाला आहे.
माजी शिक्षणमंत्री तथा विधान परिषद सदस्य Amrish Patel, आमदार Kashiram Pawara, माजी नगराध्यक्ष Bhupesh Patel तसेच नगराध्यक्ष Chintan Patel यांच्या मार्गदर्शनाखाली आमदार कार्यालयातील कर्मचाऱ्यांनी सातत्याने पाठपुरावा करून स्व. गोपीनाथ मुंढे शेतकरी अपघात सानुग्रह योजनेअंतर्गत मदत मिळवून देण्यासाठी आवश्यक प्रक्रिया पूर्ण केली.
या प्रयत्नांना यश मिळाल्यानंतर दिनांक १ जून २०२६ रोजी मयत शेतकरी कादरसिंग पावरा यांच्या पत्नी ममताबाई कादरसिंग पावरा यांना ₹२ लाखांच्या सानुग्रह मदतीचे मंजुरीपत्र आमदार काशिरामदादा पावरा यांच्या हस्ते प्रदान करण्यात आले.
यावेळी उपस्थितांनी सांगितले की, ही मदत केवळ आर्थिक सहाय्य नसून संकटग्रस्त कुटुंबाला दिलासा देणारी आणि नव्याने उभे राहण्याचा आत्मविश्वास देणारी आहे. शासनाच्या विविध योजनांचा लाभ पात्र नागरिकांपर्यंत पोहोचविण्यासाठी अशाच प्रकारे प्रयत्न सुरू राहतील, अशी ग्वाहीही देण्यात आली.
कादरसिंग पावरा यांच्या निधनामुळे कुटुंबावर आलेल्या दुःखद प्रसंगात मिळालेली ही मदत त्यांच्या कुटुंबासाठी मोठा आधार ठरत असल्याची भावना ग्रामस्थांनी व्यक्त केली.
