श्रीक्षेत्र माहूर येथे पुण्यश्लोक अहिल्यादेवी होळकर यांची ३०१ वी जयंती उत्साहात साजरी

माहूर | प्रतिनिधी

लोकमाता, न्यायप्रिय आणि जनकल्याणकारी राज्यकर्त्या म्हणून ओळखल्या जाणाऱ्या Ahilyabai Holkar यांच्या ३०१ व्या जयंतीनिमित्त माहूर शहरासह संपूर्ण तालुक्यात विविध सामाजिक, प्रबोधनात्मक आणि सांस्कृतिक कार्यक्रमांचे आयोजन करण्यात आले. समाजप्रबोधन, महिला सक्षमीकरण, लोककल्याण आणि सामाजिक ऐक्याचा संदेश देत जयंती उत्साहपूर्ण वातावरणात साजरी करण्यात आली.

माहूर येथील पुण्यश्लोक अहिल्यादेवी होळकर चौक तसेच दत्तकृपा प्रतिष्ठान येथे विशेष कार्यक्रमांचे आयोजन करण्यात आले. यावेळी उपस्थित मान्यवरांनी अहिल्यादेवी होळकर यांच्या जीवनकार्यावर प्रकाश टाकत त्यांच्या न्यायव्यवस्थेतील योगदान, महिला सक्षमीकरणासाठी केलेले कार्य, धर्मकार्यातील सहभाग आणि लोककल्याणकारी विचार यांचा गौरव केला.

कार्यक्रमाला माजी नगराध्यक्ष प्रा. राजेंद्र केशवे, ॲड. रमण जायभाये, नीलकंठ मस्के, डॉ. निरंजन केशवे, संजय राठोड, ज्ञानेश्वर लाड, गोपू महामुने, अविनाश भोयर, सौ. राधा उपलेचवार, राजू सौंदलकर, विलास गावंडे, तानाजी मनभे, अनिल वाघमारे, विनोद सूर्यवंशी, नंदकुमार जोशी, इलियास बावाणी, योगेश परसवाळे, पुरुषोत्तम लांडगे, कैलास महल्ले, संतोष महल्ले, सौ. स्वाती आडे, रामकृष्ण केंद्रे, कैलास फड, पवन पांढरे, नवल वानखेडे, बळीराम डुरके, संतोष गंधे, संजय गुरनुले, परमेश्वर कानडे, आनंद हिंगाडे, संतोष हिंगाडे, बालाजी गेंटलवार, लव गावंडे तसेच दत्तकृपा प्रतिष्ठानचे विजय कांबळे यांच्यासह अनेक मान्यवर उपस्थित होते.

तसेच तालुक्यातील मनीरामठड येथे पिंटू पाटील वायफनीकर यांच्या पुढाकारानेही अहिल्यादेवी होळकर जयंती साजरी करण्यात आली. तालुक्यातील विविध गावांमध्ये अभिवादन कार्यक्रम, विचारमंथन आणि सामाजिक उपक्रमांच्या माध्यमातून लोकमाता अहिल्यादेवी होळकर यांच्या कार्याला उजाळा देण्यात आला.

अहिल्यादेवी होळकर यांच्या आदर्श विचारांचा वारसा पुढील पिढीपर्यंत पोहोचविण्याचा संकल्प यावेळी उपस्थितांनी व्यक्त केला. जयंतीनिमित्त संपूर्ण माहूर तालुक्यात उत्साह आणि भक्तिभावाचे वातावरण निर्माण झाले होते. 💐🙏