सोलापूर | माळशिरस प्रतिनिधी
माळशिरस तालुक्यातील मौजे पिसेवाडी येथे ग्रामदैवत वाघजाई देवी मंदिर सभामंडप बांधकामाचे भूमिपूजन आमदार रणजितसिंह मोहिते-पाटील यांच्या निधीतून मंजूर झालेल्या कामाचे त्यांच्या तसेच खासदार धैर्यशील मोहिते-पाटील यांच्या हस्ते संपन्न झाले.
यावेळी मंदिर परिसरात पर्यावरण संवर्धनाचा संदेश देत मान्यवरांच्या हस्ते वृक्षारोपणही करण्यात आले.
कार्यक्रमास पंचायत समितीचे सभापती दत्तात्रय मगर, जिल्हा परिषद सदस्य अर्जुनसिंह मोहिते-पाटील, मिलिंद सरतापे, राष्ट्रवादी काँग्रेस (शरदचंद्र पवार) पक्षाचे तालुकाध्यक्ष देविदास ढोपे, ज्येष्ठ नेते महादेव भाकरे, श्रीकांत काका देशमुख, माजी पंचायत समिती सदस्य ओंकार मान देशमुख, शिवामृत दूध संघाचे संचालक सुरेश पिसे, पिसेवाडीचे सरपंच मोहन भाकरे, उपसरपंच भाऊसाहेब पिसे, माजी सरपंच अण्णासाहेब शेंडे, माजी उपसरपंच अशोक भाकरे, उमेश बनकर, ग्रामपंचायत सदस्य नागेश जानकर, साहिल आतार, पांडुरंग पिसे, प्रकाश पवार, ज्ञानेश्वर पिसे, गणेश पिसे तसेच पंचक्रोशीतील ग्रामस्थ मोठ्या संख्येने उपस्थित होते.
ग्रामदैवताच्या मंदिराचा सभामंडप उभारला गेल्याने भाविकांना विविध धार्मिक कार्यक्रमांसाठी अधिक सुविधा उपलब्ध होणार असल्याचे यावेळी उपस्थित मान्यवरांनी सांगितले. कार्यक्रम उत्साहपूर्ण वातावरणात पार पडला.
