अंबुलगा/ प्रा. डॉ. शिवाजी कांबळे
अंबुलगा – नांदेड येथे आयोजित जिल्हास्तरीय हॉलीबॉल क्रीडा स्पर्धेत मुखेड तालुक्यातील अंबुलगा येथील शांती निकेतन विद्यालयाच्या १७ वर्षाखालील मुलींच्या हॉलीबॉल संघाने उत्कृष्ट कामगिरी करत जिल्हास्तरीय स्पर्धेत प्रथम क्रमांक मिळवून विभागीय स्पर्धेत प्रवेश केला. या यशामुळे नेहमीच क्रीडा क्षेत्रात उत्कृष्ट कामगिरी बजावणाऱ्या शांतिनिकेतन विद्यालयाच्या शिरपेचात मानाचा तुरा खोवला गेला.
या शाळेतील विद्यार्थिनीं ग्रामीण भागातील असल्या तरी त्यांनी या जिल्हास्तरीय स्पर्धेत प्रतिस्पर्धी संघाविरूध्द जिद्द, चिकाटी आणि कौशल्यपूर्ण खेळाचे प्रदर्शन करत विजय मिळवून ग्रामीण भागातील मुलीही क्रीडा स्पर्धेत कमी नसतात हे दाखवून दिले आणि शांतिनिकेतन विद्यालयाच्या क्रीडा स्पर्धेतील यशाची परंपरा कायम ठेवली.
१७ वर्षाखालील मुलींच्या व्हॉलीबॉल संघामध्ये दुर्गा मारुती तोटरे, किरण बालाजी गायकवाड, भिंगलवाड रूपाली बालाजी, कांबळे सोनाली पुंडलिक, झाडे आदिती रामदास, क्यादरकुंटे वैष्णवी नरसिंग, कांबळे रागिनी यादव, शिंदे आरती मधुकर, वंकलवाड श्रद्धा बालाजी, हिवराळे साक्षी राजीव, डावरगावे दुर्गा लक्ष्मणराव आणि मानके प्रतीक्षा भुजंग या मुलींचा समावेश होता.
या विजयी संघाला शाळेचे मुख्याध्यापक सुधाकर मामीलवाड तसेच सहशिक्षक एस. जी. अंबुलगेकर, सौ. रामोड एस. आर., एन. जी.लगडे, आर. जी. काब्दे, ए. एम. कांबळे, सौ. जे. आर. गोविंदवाड, ए. जी. चंदावाड, जी. जी. पन्नमवाड तसेच पी. आर. धनवडे, एन. व्ही. गंटलवार आणि एस. के. सोनकांबळे यांनी मार्गदर्शन केले. यशस्वी संघाचे सर्वत्र अभिनंदन होत आहे.
