भाजप आमदार योगेश सागर यांच्या वतीने उपक्रम; जिल्हाध्यक्ष बाळा तावडे यांच्या हस्ते विद्यार्थ्यांना शैक्षणिक साहित्याचे वाटप
मुंबई, कांदिवली
कांदिवली पश्चिम येथे भाजप आमदार योगेश सागर यांच्या वतीने गरजू विद्यार्थ्यांसाठी मोफत नोटबुक वितरण सोहळा उत्साहात पार पडला. रविवार, दि. १८ ऑक्टोबर २०२६ रोजी सायंकाळी ४ वाजता भारतीय जनता पार्टीच्या वार्ड क्रमांक २० मधील महिला आधार केंद्र, के. डी. कंपाऊंड, गांधीनगर येथे हा कार्यक्रम आयोजित करण्यात आला होता. उत्तर मुंबई जिल्हाध्यक्ष व नगरसेवक बाळा तावडे यांच्या हस्ते विद्यार्थ्यांना नोटबुकचे वितरण करण्यात आले.
या उपक्रमाचा परिसरातील अनेक विद्यार्थी आणि त्यांच्या कुटुंबीयांनी लाभ घेतला. गरजू विद्यार्थ्यांना शैक्षणिक साहित्य उपलब्ध करून देणे आणि त्यांच्या शिक्षणाला प्रोत्साहन देणे, हा या उपक्रमाचा उद्देश होता. कार्यक्रमासाठी विभागातील महिला, पुरुष आणि विद्यार्थ्यांची मोठ्या संख्येने उपस्थिती होती.
यावेळी उत्तर मुंबई जिल्हाध्यक्ष व नगरसेवक बाळा तावडे यांनी उपस्थितांना मार्गदर्शन केले. कार्यक्रमाच्या आयोजनासाठी भारतीय जनता पक्षाच्या पदाधिकारी आणि कार्यकर्त्यांनी विशेष परिश्रम घेतले.
या प्रसंगी वार्ड क्रमांक २० चे अध्यक्ष संतोष जाधव, भगवान सिंह, अफजल खान, दिनेश जैस्वाल, नूरजहाँ, निलम चौरसिया, प्रवीण पाल, सत्यदेवजी, पत्रकार भारत कवितके यांच्यासह भाजपचे अन्य पदाधिकारी, कार्यकर्ते आणि नागरिक उपस्थित होते.
गरजू विद्यार्थ्यांना शैक्षणिक साहित्याचे वाटप करून त्यांच्या शिक्षणाला हातभार लावण्याचा हा उपक्रम परिसरात राबविण्यात आला.
