स्व. सुनील तळेकर सार्वजनिक वाचनालयाचे आयोजन
तळेरे | अंकित घाडीगांवकर
स्व. सुनील तळेकर सार्वजनिक वाचनालय यांच्या वतीने मराठी भाषा गौरव दिनानिमित्त आयोजित वक्तृत्व स्पर्धेत मोठ्या गटातून केतकी शरद वायंगणकर तर लहान गटातून स्वरा हणमंत मोहिते यांनी प्रथम क्रमांक पटकावला. दोन्ही गटांत एकूण २८ स्पर्धकांनी सहभाग नोंदविला.
स्पर्धेचे उद्घाटन तळेरे सरपंच हनुमंत तळेकर यांच्या हस्ते झाले. यावेळी परीक्षक उदय दुदवडकर, निनाद दाणी, वाचनालयाचे अध्यक्ष राजू वळंजू, उपाध्यक्ष चंद्रकांत तळेकर, मुख्याध्यापक महेंद्र पावसकर, डॉ. अभिजीत कणसे, वैभव पारधिये, राजेश जाधव, सचिव मिनेश तळेकर, श्रावणी मदभावे, रेश्मा तळेकर आदी मान्यवर उपस्थित होते.
ही स्पर्धा इयत्ता ५ वी ते ७ वी आणि इयत्ता ८ वी ते ९ वी अशा दोन गटांत आयोजित करण्यात आली. पहिल्या गटासाठी ‘माझी मायबोली मराठी’ तर दुसऱ्या गटासाठी ‘मराठी भाषेच्या देशव्यापी प्रसारणाची आवश्यकता’ हे विषय देण्यात आले. स्पर्धा डॉ. एम. डी. देसाई सांस्कृतिक भवन येथे पार पडली.
निकाल पुढीलप्रमाणे :
लहान गट :
प्रथम – स्वरा हणमंत मोहिते (कासार्डे माध्यमिक विद्यालय)
द्वितीय – दीपलक्ष्मी कनक भांबुरे (वामनराव महाडिक माध्यमिक विद्यालय तळेरे)
तृतीय – समर्थ गोविंद सुतार (जिल्हा परिषद पूर्ण प्राथमिक शाळा साळीस्ते नं.1)
उत्तेजनार्थ – धनिष्का मिनेश तळेकर (वामनराव महाडिक माध्यमिक विद्यालय, तळेरे), सिया समीर ताम्हणकर (जिल्हा परिषद पूर्ण प्राथमिक शाळा, साळीस्ते नं.1)
मोठा गट :
प्रथम – केतकी शरद वायंगणकर (वामनराव महाडिक माध्यमिक विद्यालय, तळेरे)
द्वितीय – आकांक्षा वसंत आडिवरेकर (कासार्डे माध्यमिक विद्यालय, कासार्डे)
तृतीय – भक्ती महेश लाड (कासार्डे माध्यमिक विद्यालय, कासार्डे)
उत्तेजनार्थ – पूजा महेंद्र केसरकर (वारगाव माध्यमिक विद्यालय), धैर्या अरविंद परब (कासार्डे माध्यमिक विद्यालय, कासार्डे)
विजेत्या स्पर्धकांना सन्मानचिन्ह, सन्मानपत्र व भेटवस्तू देऊन गौरविण्यात आले. सहभागी सर्व स्पर्धकांना प्रमाणपत्र प्रदान करण्यात आले. परीक्षक उदय दुदवडकर व वैभव पारधिये यांनी विद्यार्थ्यांचे कौतुक करत मनोगत व्यक्त केले.
कार्यक्रमास वाचनालयाच्या ग्रंथपाल साक्षी तळेकर, नेत्रा पावसकर, पालक व विद्यार्थी मोठ्या संख्येने उपस्थित होते. कार्यक्रमाचे निवेदन व आभार प्रदर्शन निकेत पावसकर यांनी केले.
