पनवेल प्रतिनिधी:-
भारतरत्न डॉ. बाबासाहेब आंबेडकर यांच्या १३५ व्या जयंतीनिमित्त पनवेल महानगरपालिकेच्या वतीने लोकसहभागातून ढोल-ताशा, लेझीम, चित्ररथांसह भव्य मिरवणुकीचे आयोजन दिनांक १४ एप्रिल रोजी करण्यात आले. त्याचबरोबर निबंध आणि वक्तृत्व स्पर्धांसारख्या विविध कार्यक्रमांचे आयोजन करून डॉ. आंबेडकर जयंती उत्सव मोठ्या उत्साहात साजरा करण्यात आला.
सकाळी सात वाजता भारतरत्न डॉ. बाबासाहेब आंबेडकर यांच्या पुतळ्याला पुष्पहार अर्पण करून अभिवादन करण्यात आले. तसेच यावेळी याठिकाणी खास तयार करण्यात आलेल्या,’भारताच्या संविधान शिल्पाचे’ अनावरण उपस्थित मान्यवरांच्या हस्ते करण्यात आले.
यावेळी आमदार प्रशांत ठाकूर,महापौर नितीन पाटील, उप महापौर प्रमिला पाटील, आयुक्त मंगेश चितळे, सभागृह नेते ॲड. प्रकाश बिनेदार, स्थायी समिती सभापती बबन मुकादम, महिला बालकल्याण सभापती ममता म्हात्रे, विरोधी पक्ष नेता अरविंद म्हात्रे, सर्व सन्माननीय महापालिका सदस्य, बीजेपी जिल्हा अध्यक्ष अविनाश कोळी ,अतिरिक्त आयुक्त गणेश शेटे व महेश कुमार मेघमाळे,परिवहन व्यवस्थापक कैलास गावडे, उपविभागीय अधिकारी पवन चांडक, उपायुक्त डॉ. वैभव विधाते, उपायुक्त मंगला माळवे, उपायुक्त अभिषेक पराडकर, मुख्य लेखा व वित्त अधिकारी मंगेश गावडे, मुख्य लेखा परीक्षक निलेश नलावडे, सहायक आयुक्त डॉ.रुपाली माने उपस्थित होते.
यानंतर लेझीम, ढोल-बॅण्ड पथकाच्या गजरात भव्य मिरवणूक काढण्यात आली. या मिरवणुकीत डॉ. बाबासाहेब आंबेडकर यांच्या जीवनावर आधारित तीन चित्ररथ तयार करण्यात आले होते.या मिरवणुकीचे मुख्य आकर्षण ठरले लेझीम पथके. या मिरवणुकीत एकूण १७ लेझिम पथकांनी सहभाग घेतला. मिरवणुकीचा समारोप आद्य क्रांतिवीर वासुदेव बळवंत फडके नाट्यगृहाजवळ करण्यात आला.
त्यानंतर पुढील कार्यक्रम आद्य क्रांतिवीर वासुदेव बळवंत फडके नाट्यगृहामध्ये आयोजित करण्यात आला होता. आमदार प्रशांत ठाकूर व विधान परिषद आमदार विक्रांत पाटील यांच्या प्रमुख उपस्थितीत हा कार्यक्रम संपन्न झाला.
आपल्या मार्गदर्शनपर भाषणात आमदार प्रशांत ठाकूर म्हणाले, “अनेक क्रांतिकारीक बदल या देशात होत आहेत, यांचे बीज भारतरत्न डॉ बाबासाहेब आंबेडकर यांच्या संविधानात आहे. त्यांनी दिलेली उद्देशिका केवळ वाचून चालणार नाही तर त्यातला शब्द न शब्द मनावर कोरला पाहिजे
