रिसोड (प्रतिनिधी)
भारतरत्न डॉ. बाबासाहेब आंबेडकर यांच्या जयंतीनिमित्त रिसोड शहरात व वंचित बहुजन आघाडीच्या वतीने विविध कार्यक्रमांचे उत्साहात आयोजन करण्यात आले. या निमित्ताने शहरात निळा जनसागर उसळला असून सर्वत्र भीममय वातावरण निर्माण झाले होते.
स्थानिक डॉ. बाबासाहेब आंबेडकर स्मारकासमोर मुख्य कार्यक्रम पार पडला. यावेळी उपस्थित मान्यवरांनी बाबासाहेबांच्या पुतळ्यास पुष्पहार अर्पण करून अभिवादन केले. ‘जय भीम’च्या घोषणांनी संपूर्ण परिसर दणाणून गेला.
कार्यक्रमात विविध सामाजिक, सांस्कृतिक उपक्रम राबविण्यात आले असून नागरिकांनी मोठ्या संख्येने सहभाग घेतला. या उत्सवातून सामाजिक समता, बंधुभाव आणि बाबासाहेबांच्या विचारांचा जागर करण्याचा संदेश देण्यात आला.
