बीड (प्रतिनिधी)
शिरूर कासार येथे १४ एप्रिल २०२६ रोजी भारतरत्न, महामानव डॉ. बाबासाहेब आंबेडकर यांच्या जयंतीनिमित्त तालुक्याच्या वतीने त्यांच्या प्रतिमेस पुष्पहार अर्पण करून अभिवादन करण्यात आले.
कार्यक्रमास शिवसेना उपजिल्हाप्रमुख बीड आजिनाथ (भाऊ) खेडकर, शिरूर तालुक्याचे उपसभापती प्रकाश (दादा) बडे, नगरपंचायतीचे सभापती अरुण (नाना) भालेराव, भरत खरमाटे, युवराज बर्डे, बबन दहिफळे, आनंदगावचे माजी सरपंच प्रल्हाद विघ्ने, ॲड. अंकुश कांबळे, कृष्णा गोल्हार तसेच खामकर (नाना) यांच्यासह तालुक्यातील अनेक नेते व कार्यकर्ते मोठ्या संख्येने उपस्थित होते.
मान्यवरांनी डॉ. बाबासाहेब आंबेडकर यांच्या कार्याचा गौरव करत संविधान, समता आणि शिक्षणाचा संदेश प्रत्येक घरापर्यंत पोहोचवण्याचा निर्धार व्यक्त केला. आजिनाथ खेडकर यांनी सांगितले की, बाबासाहेबांचे विचार हे समाजाला दिशा देणारे असून त्यांच्या तत्वांवर चालल्यासच खऱ्या अर्थाने सामाजिक न्याय प्रस्थापित होऊ शकतो.
कार्यक्रमात ‘जय भीम’च्या घोषणांनी परिसर दुमदुमून गेला. जयंतीनिमित्त तालुक्यात विविध ठिकाणी अभिवादन सभा व प्रबोधन कार्यक्रमांचे आयोजन करण्यात आले होते.
