पाथरी (प्रतिनिधी)
भारतरत्न डॉ. बाबासाहेब आंबेडकर यांच्या जयंतीनिमित्त पाथरी आगारातील सर्व कामगारांच्या वर्गणीतून प्रवासी व कामगारांसाठी शुद्ध व थंड पिण्याच्या पाण्याची सुविधा उपलब्ध करून देण्यात आली. आगार परिसरात अत्याधुनिक पाणी फिल्टर मशीन बसविण्यात आली असून तिचे लोकार्पण करण्यात आले.
या फिल्टर मशीनचे उद्घाटन परभणी विभागाचे विभाग नियंत्रक कांबळे यांच्या हस्ते करण्यात आले.
या कार्यक्रमास पाथरी आगार प्रमुख चपटे, स्थानक प्रमुख येडले, AWS तालेवाड, सहाय्यक वाहक निरीक्षक जाधव, वाहतूक नियंत्रक होळकर, पवार, अनिस खान तसेच रा.प. कर्मचारी चांदणे, भगत, वाकडे, सिद्धार्थ हजारे, तूपसमुंदर, नखाते, देशमुख, कांबळे, उजगरे मॅडम आदी कर्मचारी मोठ्या संख्येने उपस्थित होते.
उन्हाळ्याच्या पार्श्वभूमीवर प्रवाशांना शुद्ध व थंड पाणी उपलब्ध झाल्याने मोठा दिलासा मिळणार असून, कामगारांच्या एकजुटीचे व सामाजिक बांधिलकीचे हे उदाहरण असल्याचे मत उपस्थित मान्यवरांनी व्यक्त केले.
